Türkiyədə 10-cu Beynəlxalq Türk dili Olimpiadası keçirilir
İstanbul, 2 iyun, SalamNews, V.Həsənli. Mayın 30-da Türkiyədə 10-cu Beynəlxalq Türk dili Olimpiadası başlayıb.
SalamNews-un Türkiyəyə ezam
olunan xüsusi müxbiri xəbər verir ki, “Çağ” Öyrətim Şirkətinin və Qafqaz Universitetinin təşkilatçılığı ilə iyunun 1-dən Türkiyədə səfərdə olan
Azərbaycanın aparıcı kütləvi informasiya vasitələrinin 50-yə yaxın
əməkdaşı da sözügedən tədbirə qatılıb.
İyunun 3-dək İstanbulda səfərdə olacaq Azərbaycanın KİV təmsilçiləri olimpiadanı işıqlandıracaqlar.
Olimpiadada 140 ölkədən nümayəndə iştirak edir. Məqsəd türk dilini
tanıtmaq və sevdirmək, dünyanın müxtəlif ölkələrinin mədəniyyətləri,
adət-ənənələri, təhsili və milli dəyərləri ilə tanışlıq, onların bir
araya gətirilməsidir.
Olimpiada çərçivəsində bu gün həmçinin İstanbul Sərgi Mərkəzində Azərbaycan gününə həsr olunan tədbir təşkil olunub.
Qeyd edək ki, Olimpiada iyunun 14-dək davam edəcək.