“Qafqaz” onbeşinci məzunlarını yola saldı
Dünən Qafqaz Universitetində “İldən-ilə
böyüyən ailəmizlə Qafqazdan dünyaya” devizi altında təntənəli məzuniyyət
gecəsi keçirilib.
Daha sonra rektor “Qafqaz”ın builki 15-ci buraxılışının məzunlarına deyib: “Əziz məzunlarımız ! Bu gün burada məzun gecəsi keçirməmizin səbəbi sizlərsiniz. Bizlər sizləri sabahlara hazırlayırıq. Əziz gənclər! dünya kiçildi, bir kənd halına gəldi. Elm insanın xəyal etdiklərindən də çox sürətlə irəliləyir. Bu gün dünənin dünyasında yaşamırıq. Sabah isə bu günün dünyasında yaşaya bilmərik. Elmi biliklərimizi birləşdirib, daha gözəl nailiyyətlər əldə edək. O zaman daha savadlı olacağıq. Bu düşüncə ilə sizi həyat məktəbinə yola salırıq. Yolunuz açıq olsun”. Rektor valideynlərə və müəllimlərə də ürək sözlərini çatdırıb.
“Çağ” Öyrətim Şirkətinin prezidenti Ənvər Özərən isə çıxışında universitetdən indiyəcən məzun olmuş gənclərin işlədiyi müəssisələrdən hər zaman xoş soraqlarının gəldiyini dilə gətirib. O, builki məzunların da bu ənənəni davam etdirəcəklərini əminliklə söyləyib.
Tədbirdə “Qafqaz”ın bölmə birincilərinə xatirə hədiyyələr də təqdim edilib. Tədbir bədii hissə ilə davam etdirilib.
Qeyd edək ki, bu buraxılışda “Qafqaz”ın mühəndislik fakültəsindən 46, iqtisadiyyat və idarəetmə fakültəsindən 135, pedaqoji fakültəsindən 146, magistratura pilləsindən isə 100 tələbə məzun olub. Qvami Məhəbbətoğlu http://www.zaman.az/az/newsDetail_getNewsById.action?newsId=43945
