QAFQAZ UNİVERSİTETİNDƏ BU DEVİZ ALTINDA 15-Cİ MƏZUN GÜNÜ QEYD EDİLİB
Qafqaz Universiteti 20 illik fəaliyyəti
dövründə 15-ci buraxılışını qeyd edib. Dünən universitetdə 2012-ci
il məzunlarına həsr olunan “İldən-ilə böyüyən ailəmizlə Qafqazdan
dünyaya” devizi altında təntənəli məzuniyyət gecəsi keçirilib.
Universitetin mətbuat xidmətindən verilən məlumata görə, 1993-cü ildə
fəaliyyətə başlayan universitetin bu il mühəndislik fakültəsini 46,
iqtisadiyyat və idarəetmə fakültəsini 135, Pedaqoji fakültəsini 146 və
magistratura pilləsində isə 100 tələbə olmaqla cəmi 427 tələbə bitirib.
Qafqaz Universitetinin tələbələri 2011/2012-ci tədris ilində bir
çox nailiyyətlərə imza atıblar. Universitetin tələbəlri yerli və
beynəlxalq olimpiadalarda diplomlara layiq görülüblər. Qafqaz
Universitetində keçirilən “İldən-ilə böyüyən ailəmizlə Qafqazdan
dünyaya” devizi altında təntənəli məzuniyyət gecəsində çıxış edən
rektor Ahmet Saniç bildirib ki, bu ali təhsil ocağı ümummilli
lider Heydər Əliyevin əsəridir. O, uca insan Türkiyə universitet
modelini Azərbaycana gətirmək üçün 1993-cü ildə bu universitetin
fəaliyyətə başlamasına təkan verib”.
Ahmet Saniç çıxışında bir dünya universiteti olma yolunda sürətlə
inkişaf edən Qafqaz Universitetinin 45 fərqli ölkədə işləyən və təhsil
alan gəncləri ilə qürür duyduğunu dilə gətirdi.
Çağ Öyrətim Şirkətinin prezidenti Ənvər Özərən isə çıxışında
universitetdən indiyəcən məzun olanş gənclərin işlədiyi müəssisələrdən
hər zaman gözəl xəbərlər eşitdiyini söyləyərək bu ilki məzunlara
ölkəmizin gələcəyi üçün əlindən gələni əsirgəməyən, müasir, bilikli,
insanlığa faydalı olmalarını arzu edib. Sonda beynəlxalq və respublika
olimpiyadalarında fərqlənən tələbələrə xatirə hədiyyəsi verilib. Sonra
tədbir bədii hissə ilə davam etdirilib.
