Qafqaz Universiteti “Karyerada ilk addım” devizi altında Əmək Yarmarkası keçirir.



















Azərbaycan Respublikası Əmək və Əhalinin Sosial Müdafiəsi Nazirliyi Bakı şəhəri Məşğulluq İdarəsi və Qafqaz Universiteti Karyera Planlama Mərkəzi “Karyerada ilk addım” devizi altında  Əmək Yarmarkası keçirir.

Azərbaycan Respublikası Əmək və Əhalinin Sosial Müdafiəsi Nazirliyi Bakı şəhəri Məşğulluq İdarəsi və Qafqaz Universiteti Karyera Planlama Mərkəzi ilə birlikdə işaxtaran vətəndaşların, xüsusilə də ali təhsil müəssisələrində tələbələrin və həmçinin bu ali təhsil ocaqlarını yeni bitirmiş məzunların sosial müdafiəsinin gücləndirilməsi və məşğulluq səviyyəsinin yüksəldilməsi məqsədilə Əmək Yarmarkası keçirir.
Bununla əlaqədar işaxtaran vətəndaşlarla işəgötürən müəssisə və təşkilatlar arasında əlaqələri gücləndirməklə, onların əmək bazarına inteqrasiyasını asanlaşdırılması istiqamətində “Karyerada ilk addım” devizi altında 22 iyun 2012-ci il il tarixdə Qafqaz Universitetində Əmək Yarmarkası keçirilir. Tədbirdə Bakı şəhərinin Rayon Məşğulluq Mərkəzləri, eləcə də Qafqaz Universiteti ilə əməkdaşlıq edən 100-ə yaxın işəgötürən müəssisə və təşkilat iştirak edir. Bunlardan 10-u dövlət, digərləri isə qeyri-dövlət müəssisələridir. İşəgötürənlər tədbirə 700-ə yaxın boş (vakant) iş yerləri təqdim etmişlər, onlardan 98-i dövlət, 599-u isə qeyri-dövlətdir.
Tədbirin əsas məqsədi məzun və tələbələrə yiyələndikləri ixtisaslar üzrə əmək bazarında olan tələbat haqqında məlumat vermək, işəgötürənlərlə onların bilavasitə qarşılıqlı ünsiyyətini təşkil etmək və bununla da işəgötürənlərin qısa vaxt ərzində müasir tələblərə cavab verən ixtisaslı kadrların seçiminin aparılmasına zəmin hazırlamaq, eyni zamanda işaxtaran vətəndaşların da layiqli işlə təmin olunmalarına köməklik göstərilməsidir.
 Bu tədbirdə iri  şirkət və kompaniyalarından Azərcell Telekom MMC , Bakcell LTD MMC, European Tobacco–Baku ASC, Azərsun Holdinq MMC, Veysəloğlu Yayıcılı Qardaşlar MMC, Dövlət Neft Şirkətinin İnsan Resursları Departamenti, İmprotex Travel MMC, Azərikimya İB, Metak, Nurgün Holdinq, “Atəşgah” sığorta şirkəti, “Ataturizm” MMC, “Paşa Travel” MMC, “Royal Bank” ASC, “Ata Holding” ASC və digər iri şirkətlər iştirak edirlər.
2008-ci ildən başlayaraq, Azərbaycan Respublikası Əmək və Əhalinin Sosial Müdafiəsi Nazirliyi ilə Qafqaz Universitetinin birgə layihəsi olan “Karyerada ilk addım” devizi altında baş tutmuş əmək yarmarkalarında 396 işəgötürən təşkilatlar işaxtaran və işsiz vətəndaşların ixtiyarına 2721 boş vakant iş yerləri təqdim etmişdir. Tədbirlərdə iştirak etmiş işaxtaran vətəndaşlardan 622 nəfərə göndəriş verilmiş, 246 nəfəri münasib işlə təmin edilmişdir.
Bu tədbirin gedişində bir sıra kreativ yanaşmalar diqqəti cəlb edir. Tədbirdə işaxtaran vətəndaşlar və peşəyönümü üzrə müasir texnologiyalar əsasında məsləhət almaq istəyənlər üçün seminar-treninq təşkil edilmişdir.
Dos.Dr. Isa Qasımov

Bu blogdaki popüler yayınlar

Azerbaijan - GOV - Azerbaijan to Host an International ICT Conference

Özəl və dövlət ali təhsil məktəbləri arasındakı fərq

VİCDAN SUSTUĞUNDA : Download PDF