Beynəlxalq Türk dili olimpiadası - 10 il
Türkiyədə ənənəvi Beynəlxalq Türk dili
olimpiadası keçiriləcək. Bu il 10 illik yubileyini qeyd
edəcək olimpiada mayın 30-dan 14-dək davam edəcək. SİA-nın xəbərinə görə, Azərbyacan nümayəndə heyətinin də təmsil
olunacağı olimpiadaya 140 ölkədən minlərlə iştirakçı qatılacaq.
İştirakçı
türk dilində şer söyləyəcək, rəqs edəcək və başqa kateqoriyalarda öz
qabiliyyətlərini nümayiş etdirəcəklər. Olimpiadanın
keçirilməsində məqsəd dünyanın müxtəlif ölkələrində türk dilinin gözəlliyini və
əzəmətini nümayiş etdirmək, tanıtmaq və sevdirməkdir. Ötən il Azərbaycan
olimpiadada 7 qızıl, 10 gümüş, 4 bürünc medal qazanıb. Ümummilli lider Heydər Əliyev 2007-ci ildə
olimpiadada “Atatürk Türk Ödülü”nə layiq görülüb.
Qeyd
edək ki, olimpiadanın
açılış mərasimində iştirak etmək üçün Qafqaz Universitetinin təşkilatçılığı ilə
Azərbaycandan
bir qrup mətbuat nümayəndəsi qardaş ölkəyə səfər
edəcək. İyunun 1-dən 3-dək davam edəcək səfər çərçivəsində Azərbaycan media
nümayəndələri Beynəlxalq Türk Dil Olimpiadası ilə bağlı tədbirlərə qatılacaq,
olimpiada çərçivəsində təşkil olunacaq Azərbaycan mədəniyyətini tanıtım
tədbirində iştirak edəcəklər.
Könül Kamilqızıhttp://www.sia.az/index.php?action=static_detail&static_id=226192