“20 Yaşlı Azərbaycanım” adlı ədəbi-bədii proqram
Universitetin “Oğuz” klubunun təşkil etdiyi tədbiri giriş sözü ilə açan universitetin rektoru Prof. Ahmet Saniç Azərbaycanın dövlət müstəqilliyinin iyirmi illik inkişaf yolunun ən parlaq nəticəsi kimi dəyərləndirdi.
Azərbaycan Milli Elmlər Akademiyasının vitse prezidenti, akademik Arif Həşimov universitetə dəvət edildiyi üçün təşəkkürünü bildirərək Azərbaycan xalqının Heydər Əliyev yolunu seçməsi ilə dövlət müstəqilliyimizin dönməzliyinin təmin olunduğunu söylədi. Akademik bu uğurdan hər bir Azərbaycan vətəndaşına pay düşdüyünü, Qafqaz Universitetinin məhz müstəqilliyin töhfəsi olduğunu vurğuladı.
Tədbir Xalq artisti, müğənni Ağadadaş Ağayev, estrada ulduzu Samirə və Universitetin özfəaliyyət kollektivlərinin çıxışları ilə davam edərək “ Növbəti müstəqillik yubileyini Qarabağda keçirək” çağırışıyla yekunlaşdı.
Sonda rektor qonaqlara sənət kursları üzvlərinin əl işlərindən ibarət xatirə hədiyyələrini təqdim etdi.
