Sumqayıt Şəhər İcra Hakimiyyətində görüş
“Çağ” Öyrətim İşlətmələri İdarə Heyətinin sədri Dr. Enver Özeren,
“Qafqaz” Universitetinin rektoru, professor Ahmet Saniç və
Azərbaycan-Türkiyə Özəl Liseyləri Baş İdarəsinin rəisi Arif Gömleksiz,
Sumqayıt Şəhər İcra Hakimiyyətinin Başçısı Eldar Əzizovla görüşüblər.
Qonaqları səmimiyyətlə qəbul edən İcra Başçısı son illərdə şəhərdə
həyata keçirilən abadlıq - quruculuq işlərindən, təhsil müəssisələrinə
göstərilən diqqət və qayğıdan, təhsilin səviyyəsinin yüksəldilməsi üçün
görülən tədbirlərdən danışıb.
“Çağ” Öyrətim İşlətmələrinin “Qafqaz
Universitetinin Azərbaycan ali təhsil ocaqları sırasında sayılıb
seçilən, daima inkişaf edən, bir tədris müəssisəsi kimi yüksək nüfuza
malik olduğunu deyib. Sonra Sumqayıtda fəaliyyət göstərən lisey və
“Araz” kursunun şəhər təhsilinin inkişafındakı rolundan söhbər açıb. Bu
təhsil müəssisələri ilə mütəmadi olaraq əlaqələrinin olduğunu, əldə
etdikləri nailiyyətlərindən qürur duyduğunu bildirib. “Çağ”ın bütün
tədris müəssisələrinə təhsildə uğurlar arzulayıb.
Sonra Dr. Enver Özeren
səmimi qəbula görə Eldar Əzizova minnətdarlığını bildirərək , ümummilli
lider Heydər Əliyevin xeyir-duası ilə fəaliyyət başlayan “Çağ”ın bundan
sonra da etimada sədaqətlə fəaliyyətlərini uğurla davam
etdirəcəklərini, Azərbaycanda daha savadlı, daha müasir biliklərə malik
gənclərin yetişdirilməsində öndə olacaqlarına çalışacaqlarını deyib.
Bunun üçün tədris müəssisələrində lazımi şəraitin hazırlandığını
söyləyib.
Sonda görüş iştirakçıları Sumqayıt Şəhər İcra Hakimiyyətinin Başçısı Eldar Əzizovla xatirə şəkili çəkdiriblər.
