Bahar nə xoş gəlir…Novruz hər bir azərbaycanlının qəlbinin bayramıdır
"Novruz hər bir azərbaycanlının qəlbinin bayramıdır,
hər bir insanın, ailənin bayramıdır,
bizim müstəqil Azərbaycan Respublikasının bayramıdır
Heydər Əliyev
Universitetin
foyesində Baharın gəlişi münasibətilə xalqımızın milli bayramı Novruz
bayramı qeyd edildi. Mədəniyyət şöbəsinin təşkilatçılığı ilə keçirilən
qədim el bayramı əsl meydan tamaşasını xatırladırdı. Oğlanlardan ibarət
rəqs qrupunun bayram töhfəsi olan “Şələqoy” rəqsi Azərbaycan xalqının
həm gözəl adətini, həm də mədəniyyətini nümayış etdirdi. Novruz
şənliklərinin əsas personajları Kosa və Keçəlin oyunbazlığı
bayrama xüsusi rəngarənglik və xoş ovqat verdi. Kosanın yaddaşını
itirməsi üzərində qurulan süjetdə qışla yazın mübarizəsi əks olundu.
Baharın simvolu olan Bahar qızı tələbələrə birlik, əmin amanlıq,
təhsildə yeni-yeni uğurlar, belə şənliklərin işğal altında olan
torpaqlarımızda qeyd edilməsini arzuladı. Milli geyimli gənc qızların
“Haxışta”oyunu, Kosa və keçəlin Novruz şənliynə xüsusi abi-hava gətirən
Novruz sovqatı, Novruz abı-havalı şənlik nəğmələri hamının zövqünü
oxşadı.
Yaşıl
səmənilərlə, Azərbaycanın mədəniyyətini özündə əks etdirən sənət
nümunələri, (xalça, papaq, milli geyimlər, misgərlik nümunələri)
bəzədilmiş foye tamaşaçıların yumurta döyüşü, ulu babalarımızdan bizə
yadigar qalan qədim el bayramımız- Novruzu yenidən canlandırdı.
Xalqımızın
zəngin mənəviyyatı, qədim tarixi, rəngarəng təbiəti, dünya duyumu
haqqında özündə yetərincə bilik və məlumat yaşadan, daşıyan Novruz ulu
və əbədi bir bayram kimi yaddaşlara köçdü.
