Moldovalı alimler Qafqaz Universitetini ziyaret etdiler
Artıq neçe gündür ki, Moldova Respublikasının bir qrup alim heyeti ölkemizde seferdedir
Bu gün
isə Moldova Universitetinin
Jurnalistika və Kommunikasiya
Elmləri fakultəsinin professorları Qafqaz
Universitetində oldular. Bununla əlaqədar
olaraq Qafqaz
Universitetində nümayəndə
heyəti ilə görüş təşkil
olunmuşdur.
İlk öncə Qafqaz
Universitetinin rektoru Ahmet Saniç
qonaqları salamladı və Moldova
Respublikasından gəlmiş
nümayəndə heyətini bu
təhsil ocağında görməkdən məmnun
olduğunu bildirdi. Sonra
Ahmet Saniç çıxış
edərək məlumat verdi ki, Qafqaz Universiteti 1993-cü ildə Bakı
şəhərində fəaliyyətə başlamışdır. Bu universitet Azərbaycan və Türkiyə arasında
elmi-mədəni əlaqələrin inkişafında mühüm rol oynayan "Çağ Öyrətim
İşlətmələri" şirkətinin təhsil kompleksinin ən yüksək pilləsidir.
2002-2003-cü tədris ilindən etibarən ixtisas fənlərinin ingilis dilində
tədrisinə başlayan universitet yetişdirdiyi tələbələrin ixtisas, xarici dil və
kompüter biliklərinə yiyələnmələrinə müstəsna əhəmiyyət verir. Hal-hazırda
bakalavr pilləsində 20, magistratura pilləsində 10, aspirantura pilləsi üzrə də
4 ixtisas üzrə mütəxəssis yetişdirməkdədir. Rektor həmçinin bildirdi ki, bununla yanaşı 2006-2007
tədris ildən etibarən Universitetimizdə 2 ixtisas üzrə MBA Proqramı
açılmışdır. Yüksək sürətli internet rabitəsi sayəsində,Qafqaz Universiteti
Azərbaycanda TOEFL IBT imtahanını (yeni nəsil TOEFL testi)təşkil edən ilk
qurumdur. Bu ali təhsil ocağında ötən il ilk
dəfə olaraq Jurnalistika fakültəsi
açılmış və hazırda da fakültədə
20 nəfər tələbə təhsil almaqdadır.
Sonra Bakı Slavyan
Universitetinin kafedra müdiri,
dosent Aynur Bəşirli çıxış edərək ölkəmizdə mətbuatımızın
tarixindən, ölkəmizdə nəşr olunan
mətbuat orqanlarının geniş fəaliyyətindən və
hazırki inkişafından söz açdı.
Moldova Dövlət Universitetinin Jurnalistika və Kommunikasiya
Elmləri fakultəsinin
professorları Mixail Quzun, Qeoqreta Stepanov, Mixail Lesku,
Serafim İsac, Andrey Dumbraveanu, Boris Parfentev və Avropa
Şurasının layihə
koordinatoru Dumitru Lazur
Qafqaz Universitetinin jurnalistika fakultəsinin dərs prosesini izlədilər, bu ali
təhsil ocağının tədris korpus ,
yataqxanası , laboratoriyaları ilə
yaxından tanış oldular. Burada tələbələr üçün
yaradılan müasir və yüksək şətaitdən, keyfiyyətli tədris sistemindən razı
qaldıqlarını bildirdilər.
Görüşün sonunda qonaqlara xatirə
hədiyyələri təqdim olundu.
http://bakuhaber.com/haber_detay.asp?haberID=342
