“Dədə Qorqud” Özəl Türk Liseyində müəllimlərin valideynləri ilə görüş keçirilib
“Dədə Qorqud” Özəl Türk Liseyində müəllimlərin valideynləri ilə
görüş keçirilib. Görüş zamanı liseyin müdiri Turan Güneri çıxış edərək
valideynləri müəllim övlad böyüddüklərinə görə təşəkkür edib və
qonaqlara liseyin təhsildə əldə etdiyi nailiyyətləri barədə məlumat
verib. Sonra görüş iştirakçıları Fəxri Xiyabana gələrək Ümummilli lider
Heydər Əliyevin və torpaqlarımızın azadlığı uğrunda şəhid olanların
məzarlarını ziyarət edərək onların xatirəsini yad ediblər.
Daha sonra
validenlər Azərbaycan-Türkiyə Özəl Liseyləri baş idarəsinin rəisi Arif
Gömləksizlə görüşüblər. Arif Gömleksiz qonaqlara “Çağ” Öyrətim
İşlətmələri Azərbaycan-Türkiyə Özəl Liseylərinin fəaliyyəti, tədris
müəssisələrində tətbiq olunan yeni təhsil texnologiyaları haqqında
danışaraq, şagirdlərinin respublika və beynəlxalq fənn olimpiadalarında
müvəffəqiyyətlə iştirak edərək yüksək nailiyyətlər əldə etmələrindən
söhbət açıb. Sonra bir qrup müəllim valideynlərinə xatirə hədiyyələri
təqdim edib.
Tədbirin sonunda müəllimlərin valideynlərinə “Dədə Qorqud” Özəl Türk
Liseyində xatirə hədiyyələri və zyafət verilib. Valideyinlər onlara
göstərilən diqqət və qayğıya görə minnətdarlıqlarını bildiriblər.
Övladlarının işlərindən qürur hissi duyduqlarını xüsusilə qeyd ediblər.
