Türkiyənin təhsil naziri Qafqaz Universitetini ziyarət edib
 
Tarix: 22.05.2013 | Saat: 19:21:00
Ölkəmizdə səfərdə olan Türkiyənin təhsil naziri və onun başçılıq etdiyi
nümayəndə heyəti Qafqaz Universitetinin tələbə və müəllim kollektivi
ilə görüşüb. Qeyd edək ki, nazir Nabi Avcı və onun başçılıq etdiyi
nümayəndə heyəti 20-21 mayda Bakıda keçirilən Qafqaz Universitetlər
Birliyinin 3-cü konqresində iştirak etmək üçün Azərbaycana gəlib.Qafqaz
Universitetində görüş zamanı türkiyəli qonaqlara Qafqaz Universiteti
barədə ətraflı məlumat verən Universitetin rektoru professor Ahmet Sanic
deyib ki, bu təhsil müəssisəsi 1993-cü ildə fəaliyyətə başlayıb. Onun
sözlərinə görə, Universitet Türkiyə və Azərbaycanın elmi-texniki və
pedaqoji potensialını birləşdirərək yüksək səviyyəli mütəxəssislər
hazırlayır . A.Sanic vurğulayıb ki, Qafqaz Universitetində mühəndislik,
iqtisadiyyat və idarəetmə, hüquq, filologiya fakültələri nəzdində
avtomatlaşdırılan sistemlərin və hesablama texnikasının proqram
təminatı, hesablama maşınları, kompleksləri, sistem şəbəkələri,
riyaziyyat, biznesin təşkili və idarə edilməsi, beynəlxalq münasibətlər,
beynəlxalq hüqüq ixtisasları üzrə mütəxəssislər hazırlanır. Rektor
Mustafa Kamal Atatürkün “Azərbaycanın sevinci bizim sevincimiz, kədəri
bizim kədərimizdir” və Heydər Əliyevin “bir millət iki dövlət”
kəlamkarını da xatırladıb.
Sonra söz nazir Nabi Avcı verildi.O bildirdi ki, Türkiyə ilə Azərbaycan arasında sıx dostluq və qardaşlıq əlaqələri mövcuddur: "Mən Dunyanın bir çox ölkələrində olmuşam,lakin dost və qardaş Azərbaycan mənim üçün daha əzizdir. Azərbaycanda olmaqdan böyük bir həyəcan və sevinc içindəyəm. Hələ Qafqaz Unversiteti kimi bir yerdə olmaq Turk dunyasına açılan qapının kürsüsündə durub sizlərə nitq söyləməm mənə ayrı qürur və xoşbəxtlik verir”. Nazir daha sonra bildirib ki, yaxın vaxtlarda Seyid Yəhya Şirvanı simpoziumu keçiriləcək. Bu iki ölkə arasındakı humanitar əlaqələrin daha da güclənməsinə xidmət göstərəcək. Görüşün sonunda Nabi Avcıya Qafqaz Universitetinin Rektoru tərəfindən xatirə plaketi və Çağ öyrətim20 illik" kitabı təqdim edildi. Bəhruz |
