Qafqaz Universiteti burada təhsil alan xarici tələbələrə dəstək olub


Qafqaz Universitetində bu ali təhsil ocağında oxuyan xarici tələbələrin özlərini tənha hiss etməsinə yol verməmək məqsədi ilə “Xalqlar günü” adlı tədbir keçirilib.

Bu barədə Gün.Az-a Qafqaz Universitetindən məlumat verilib.

Adıçəkilən təhsil ocağının rektoru Ahmet Saniçbildirib ki, Qafqaz Universiteti Azərbaycandakı özəl universitetlər arasında ən öncül yerlərdən birini tutduğundan xarici ölkələrdən bu təhsil ocağında təhsil almaq istəyən tələbələrin sayı durmadan artır:

“Hazırda Qafqaz Universitetində 17 ölkədən tələbələr təhsil alır. “Xalqlar günü” adlı tədbirdə həmin ölkələri təmsil edən tələbələr özlərinin milli mədəniyyətlərini, mətbəxlərini nümayiş etdirmək imkanı qazanırlar.

Bundan əlavə, həmin tələbələr Azərbaycanın tarixi yerlərinə, o cümlədən, Quba məzarlığına aparılır. Məqsəd təhsillərini başa vurduqdan sonra onların ölkələrinə qayıdarkən Azərbaycan barədə dolğun məlumata malik olmasını təmin etməkdir”.

Qeyd edək ki, tədbirdə müxtəlif ölkələrin səfirliklərinin nümayəndələri də iştirak edib.

Mirvari Kamilqızı
Gün.Az

Nicat Yusifov

Instagram