“Qafqaz”ın rəhbərliyi “BP-Azərbaycan”ı ziyarət edib

“Qafqaz” Universitetinin rektoru Ahmet Saniçin rəhbərliyi ilə bir qrup professor-müəllim heyəti “BP-Azərbaycan” şirkətini ziyarət edib. Görüşdə “BP Azərbaycan” şirkətinin prezidenti Rəşid Cavanşir rəhbərlik etdiyi şirkət ilə “Qafqaz” Universiteti arasındakı mövcud əməkdaşlıqdan söz açıb. O, həmçinin “Qafqaz”ın Azərbaycanda yüksək imicə sahib təhsil ocağı olduğunu da vurğulayıb. 
 Ahmet Saniç universitetlə əməkdaşlığa verdiyi əhəmiyyətə görə “BP Azərbaycan” şirkətinin prezidentinə və əməkdaşlarına minnətdarlığını bildirib. Universitetin rektoru dünyanın inkişaf etmiş ölkələrində universitetlər və iş dünyası arasındakı yüksək səviyyəli əməkdaşılıqlara diqqəti çəkərək, “Qafqaz” ilə “BP Azərbaycan” arasındakı əməkdaşlığın həm universitet tələbələrinin günün tələblərinə cavab verən yüksəkixtisaslı mütəxəsislər kimi yetişmələrinə, həm də ölkəmizin inkişafına öz müsbət töhvəsini verəcəyini xüsusi vurğulayıb: “Bu əməkdaşlığa misal olaraq “BP Azərbyacan” “Qafqaz” Universitetində yüksəkixtisaslı mühəndis kadrların yetişdirilməsi üçün təşkil etdiyi kimya mühəndisliyi və mexanika mühəndisliyi laboratoriyalarını göstərmək olar. Bu, eyni zamanda ölkəmizdə mühəndislik sahələrinin inkişafına bir töhfədir”. 
Görüş çərçivəsində tərəflər arasında hazırda davam etdirilən layihələr və növbəti əməkdaşlıqlar haqqında müzakirələr də aparılıb. Görüşün sonunda “Qafqaz” Universitetində müxtəlif nominasiyalar üzrə tələbələr arasında keçirilmiş rəy sorğusu əsasında “İlin xarici şirkəti” seçilmiş “BP-Azərbaycan” şirkətinin plaketi Rəşid Cavanşirə təqdim olunub.

Bu blogdaki popüler yayınlar

Azerbaijan - GOV - Azerbaijan to Host an International ICT Conference

Özəl və dövlət ali təhsil məktəbləri arasındakı fərq

VİCDAN SUSTUĞUNDA : Download PDF