Qafqaz Universitetinin müəllimləri Macarıstanın paytaxtı Budapeştdə
26.07.2012 | 8 dəfə oxunub
Qafqaz Universiteti İqtisadiyyat və İdarəetmə Fakültəsi Beynəlxalq
Münasibətlər və Regionşünaslıq Bölmələrinin əməkdaşları: Nəriman Qaraxani,
Yaşar Ehtibarlı, Anar İskəndərov, Müşfiq Eminov və Aqşin Umudov 2012-ci ilin
10-16 İyun tarixləri arasında Macarıstanın paytaxtı Budapeşt şəhərində Mərkəzi
Avropa Univsitetinin (CEU) Kurikulum Resurs Mərkəzi (Curriculum Resource
Center) tərəfindən təşkil olunmuş Kafedraların Tədris proqramlarının İnkişaf
etdirilməsi ilə bağlı təlim proqramında iştirak etmişlər. Tədbirə müxtəlif ölkələrdən
iştirakçılar qatılmışdır.
Təlim proqramında əsas diqqət tədris planının inkişaf
etdirilməsi və yeni tədris proqramlarının hazırlanmasına ayrılmışdır. Tədris
planlarının inkişaf etdirilməsi sahəsində CEU-un təcrübəsinin oyrənilməsinə
diqqət yetirilmiş və bu mövzuda region ölkələrinin müxtəlif universitetlərini təmsil
edən iştirakçılarla fikir mübadiləsi aparılmışdır. Yeni tədris proqramlarının
hazırlanması mövzusunda isə CEU-un təcrübəli mütəxəsisləri tərəfindən təqdimatlar
verilmiş və bu mövzuda Avropa və Amerikanın tanınmış ali təhsil qurumlarının təcrübəsi
müqayisəli şəkildə təhlil edilmişdir.
Təlim proqramı müddətində əməkdaşlarımız CEU-un zəngin
resurslara malik kitabxanasından istifadə etmək imkanına sahib olmuşlar və bu
fürsətdən istifadə edərək tədris etdikləri dərslərlə bağlı yetərincə yararlı mənbə
və materiyallar toplamışlar. Bununla yanaşı Kurikulum Resurs Mərkəzi hər bir əməkdaşımıza
öz araşdırma sahələri ilə bağlı 250 ABŞ dolları dəyərində kitab almaq imkanı
vermişdir və əməkdaşlarımız bundan faydalanaraq kafedramıza lazımlı kitablar
almışlar.
