Beynəlxalq riyaziyyat olimpiadasından medallar
İyulun
6-16- da Argentinanın Mar Del Plata şəhərində məktəblilərin 53-cü
Beynəlxalq Riyaziyyat Olimpiadası keçirilib. Dünyanın 100 ölkəsindən 600
şagirdin iştirak etdiyi bu olimpiadada ölkəmizi “Çağ” Öyrətim
İşlətmələri şirkətinin Azərbaycan -Türkiyə Özəl Liseylərinin şagirdləri
uğurla təmsil ediblər. Belə ki, Mingəçevir Özəl Türk Liseyinin 10-cu
sinif şagirdi İzmir Əliyev, Lənkaran Özəl Türk Liseyinin 10-cu sinif
şagirdi Həsən Həsənzadə bürünc medallara, Bakı Özəl Türk liseyinin 11-ci
sinif şagirdi Şahin Hüseynli və Gəncə Azərbaycan-Türkiyə Özəl
Liseyinin 9-cu sinif şagirdi Fərid Verdiyev həvəsləndirici
sertifikatlara ( IV yerə) layiq görülüblər. Beləliklə, şagirdlərimiz iki
bürünc və iki həvəsləndirici sertifikat qazanıblar.
Olimpiadanın Təşkilat Komitəsi şagirdlərimizin iştirakını uğurlu hesab
edərək Azərbaycan Respublikasının Təhsil Nazirliyinin ünvanına təbriklər
söyləmişdir.
