Ramil Səfərovun azadlığa çıxmasına Qafqaz Universitetinin kollektivi sevinir.


Azərbaycan milli ordusunun zabiti Mayor Ramil Səfərovun azadlığa çıxması münasibəti ilə Qafqaz Universitetində professor-müəllim və tələbə heyəti sevinc hisslərini bölüşdülər. Vətənin qeyrətli oğlunun şərəfinə boyük tort kəsildi. Tortu kəsən universitetin prorektoru professor Niftalı Qocayev və kafedra müdiri professor Əjdər Ağayev söz alaraq Ramil Səfərovun yaxınlarına o cümlədən bütün xalqımıza gözaydınlığı verdilər. Onun azadlıqda olması, vətəninə qayıtması bizim hamımızın istəyi idi. Bu istəyin reallaşması təkcə Ramilin və yaxınlarının yox, bütün Azərbaycan xalqının arzusu idi.
Kəsilən tortdan mayorun evinə də göndərildi. Ramilin valideyinləri Qafqaz Universitetinin rəhbərliyinə göstərdikləri diqqət və gayğıya görə öz dərin təşəkkürlərini bildirdilər.  
Ramilin Azərbaycana qaytarılması onun əfv edilməsi Ulu öndərin məktəbindən ilham alan Cənab Prezident İlham Əliyevin cəsarəti və birbaşa səyi nəticəsində həyata keçdi. Bu gözəl sevinci bizə yaşatdıqlarına görə Cənab prezidentə dərin təşəkkür edirik. Eşq olsun qüdrətli Azərbaycana!

Ramil Səfərov kimdir?
Ramil Sahib oğlu Səfərov 26 avqust 1977-ci ildə Azərbaycanın Cəbrayıl rayonunda anadan olub. Hələ körpə olanda erməni vəhşiliklərini öz gözləri ilə görən Ramildə onlara qarşı əbədi nifrət yaranıb. Düşmənə sonsuz nifrəti, vətənə dərin məhəbbəti Ramili hərbi məkrəbdə təhsil almağa istiqamətləndirib. 1991-ci ildə Cəmşid Naxçıvanski adına hərbi litseyə daxil olub, sonra isə təhsilini Türkiyədə davam etdirib.  Ramil Səfərov 2004-cü il yanvarın əvvəlində Macarıstanın paytaxtı Budapeştə NATO-nun "Sülh naminə tərəfdaşlıq" proqramı çərçivəsində kursa göndərilmişdi. O, həmin il fevralın 19-da eyni kursda təlim keçən erməni zabit Qurgen Markaryanı Azərbaycan bayrağını  təhqir etdiyinə görə onu öldürdüyü üçün ömürlük həbs edilmişdi.
Qafqaz Universiteti mətbuat xidməti.

Bu blogdaki popüler yayınlar

Azerbaijan - GOV - Azerbaijan to Host an International ICT Conference

Özəl və dövlət ali təhsil məktəbləri arasındakı fərq

VİCDAN SUSTUĞUNDA : Download PDF