“Bilik Günü” bayramı “Çağ” Öyrətim İşlətmələrinin tədris müəssisələrində geniş qeyd edilib
Respublikamızın bir sıra tədris müəssisələrində olduğu kimi, yeni
tədris ilinin başlanması münasibətilə “Çağ” Öyrətim İşlətmələrinin
Azərbaycan-Türkiyə Özəl Liseylərində, Mingəçevir, Gəncə, Şəki, Quba,
Lənkəran, Ağdaş, Şirvan, Sumqayıt, “Dədə Qorqud”, “Qafqaz”
Azərbaycan-Türkiyə Özəl Gimnaziyasında, Kafkas İlk öğretim okulunda
eləcə də digər tədris müəssisələrində “Bilik Günü” geniş qeyd edilib. Bu
münasibətlə liseylərdə təntənəli mərasimlər keçirilib. Mərasimlər
Azərbaycan Respublikasının Dövlət Himninin oxunması ilə başlayıb.
Tədbirlərdə Azərbaycan-Türkiyə Özəl Liseyləri Baş İdarəsinin rəisi Mesud
Kurnaz çıxış edərək, liseylərin otən tədris ilində əldə etdiyi
nailiyyətlərdən, TQDK-nın ali məktəblərə qəbulla bağlı keçirdiyi
imtahanlarda eləcə də fənn olimpiadalarında şagirdlərin qazandıqları
uğurlarından, bu nailiyyətlərin daha da artması üçün məktəblərdə lazımi
şəraitin təşkil olunmasından danışıb. Yeni tədris ilində liseylərin
müəllim şagird və kollektivinə uğurlar diləyib.
Tədbirlərdə
“Çağ” Öyrətim İşlətmələri şırkətinin müşaviri Ağarəsul Məmmədov,
Azərbaycan-Türkiyə Özəl Liseyləri Baş İdarə rəisinin müavinləri Murat
Topçu , Ayhan Sipahi, liseylərin müdirləri, ziyalılar və şagirdlər eləcə
də valideynlər iştirak ediblər. Mərasimlərdə çıxış edən ziyalılar yeni
başlanan hər bir tədris ilinin onlar üçün əsl bayram olduğunu
söyləyiblər. Yeni tədris ilində daha yüksək uğurlara imza atmaq üçün
məsuliyyətlə çalışacaqlarını bildiriblər. Daha yüksək nailiyyətlərin
qazanılması üçün isə məktəb kollektvi ilə bərabər valideynlər də
çalışmalı olduğunu xüsusi qeyd ediblər. Daha sonra bu il Tələbə Qəbulu
üzrə Dövlət Komissiyasının ali məktəblərə qəbulla bağlı keçirdiyi
imtahanlarda 600-dən yuxarı bal toplamış məzunları və dünyanın müxtəlif
ölkələrində keçirilmiş beynəlxalq fənn olimpiadalarında nailiyyətlər
əldə etmiş şagirdləri təbrik edərək onlara mükafatlar təqdim ediblər.
Yeni dərs ilində Liseyin müəllim və şagirdlərinə təhsildə yeni-yeni
nailiyyətlər arzulayıblar.
Bundan başqa, “Qafqaz” Universiteti və “Araz” Kurslarında da yeni dərs ilinin başlanması münasibətilə tədbir keçirilmişdir.
