“Vicdan susanda” “Qafqaz Universiteti Yayınları” layihəsi çərçivəsində təqdim olunub
Atatürk Mərkəzində tanınmış yazıçı Vidadi Babanlının “Adiloğlu” nəşriyyatında türk dilində çapdan çıxmış “Vicdan susanda” kitabının təqdimatı keçirilib. Tədbirdə çıxış edən Qafqaz Universitetinin rektoru, professor Ahmet Sanic deyib ki, keçən əsrin 70-ci illərində oxucuların yaddaşında dərin iz buraxan bu əsərin türk oxucularına çatdırılmasına böyük ehtiyac var idi: “Qafqaz Universiteti Yayınları” layihəsi çərçivəsində “Vicdan sustuğunda” adı altında çap edilən məşhur əsəri Türkiyə türkcəsinə uyğunlaşdıranı doktor Ərdar Karaman, yayım rəhbəri doktor Məmmədəli Babaşlıdır.
