Yardımlı Rayon Təhsil şöbəsində görüş
Fevralın 1- də Azərbaycan Respublikası Təhsil Nazirliyinin Yardımlı Rayon Təhsil şöbəsinin müdiri Manaf Balışov Lənkəran Özəl Türk Liseyinin müdiri Murat Kadifeci və Lənkəran “Araz” hazırlıq kurslarının müdiri Musa Şükürovu qəbul edib. Qəbul zamanı Lənkəran ÖTL-nin müdiri M. Kadifeci və Lənkəran “Araz” hazırlıq kurslarının müdiri M. Şükürov ARTN-nin Yardımlı Rayon Təhsil şöbəsinin müdiri M. Balışova rəhbərlik etdikləri tədris müəssisələrinin fəaliyyətə başladığı dövrdən əldə etdikləri nailiyyətləri, uğurları barədə ətraflı məlumat veriblər. Bu il Tələbə Qəbulu üzrə Dövlət Komissiyasının keçirdiyi ali məktəblərə qəbul imtahanları zamanı məzunlarının yüksək nəticələr göstərmələrindən, Respublikada və dünyanın bir çox ölkələrində keçirilən Beynəlxalq Fənn Olimpiadalarında layiqli yerləri tutmalarından geniş söhbət açıblar. Bu göstəricilərin daha da yüksəlməsi üçün lazımi şəraitin hazırlandığını və yeni tədris ilini də uğurla başa vuramağı qarşılarına məqsəd qoyduqlarını bildiriblər.
