Qafqaz Universitetində “Universitet-iş dünyası əməkdaşlığı” mövzusunda beynəlxalq konfrans keçirilir


Bakı, 7 iyun (AzərTAc). İyunun 7-də Qafqaz Universitetində “Universitet-iş dünyası əməkdaşlığı” mövzusunda beynəlxalq konfrans başlamışdır.
Tədbir Qafqaz Universiteti və Türkiyənin Fatih Universiteti tərəfindən təşkil olunmuşdur.
Azərbaycan, Türkiyə və digər ölkələrdən olan alim və mütəxəssislərin iştirak etdikləri beynəlxalq konfransın açılış mərasimində Qafqaz Universitetinin rektoru, professor Əhməd Saniç universitet-iş dünyası əməkdaşlığının əhəmiyyətindən danışmışdır.
Mövzu ilə bağlı müzakirələr aparılmışdır. Beynəlxalq konfrans iyunun 8-də başaçatacaq.                

Nicat Yusifov

Instagram