Ana içeriğe atla

Qafqaz Universitetində Həmrəylik Günü qeyd olundu

Qafqaz Universitetində 31 dekabr–Dünya Azərbaycanlılarının Həmrəylik Günü münasibətilə tədbir keçirilmişdir. Tədbiri giriş sözü ilə Qafqaz Universitetinin rektoru, professor Ahmet Saniç açmış və bildirmişdir ki, 31 dekabr–Dünya Azərbaycanlılarının Həmrəylik Günü universitet tərəfindən hər il təntənəli şəkildə qeyd olunur. Dünya Azərbaycanlılarının Həmrəylik Günü milli birlik, Azərbaycana məhəbbət, milli-mənəvi dəyərlərə hörmət, vətənə bağlılıq hisslərini özündə təcəssüm etdirir. Uzun illərdən bəri bütün dünyada yaşayan həmvətənlərimizi düşündürən dünya azərbaycanlılarının həmrəyliyi ideyası ümummilli lider Heydər Əliyevin tarixi xidmətləri sayəsində dövlət siyasəti səviyyəsinə qaldırılıb və ardıcıl olaraq həyata keçirilib.
Digər çıxış edən Gənclər və İdman Nazirliyinin əməkdaşı Günay Rəhimova bildirdi ki, son illər ərzində dünyanın müxtəlif ölkələrində yaşayan azərbaycanlıların milli özünüdərkinin güclənməsi, birlik və mütəşəkkilliyinin artması, tarixi vətənlə əlaqələrinin möhkəmlənməsi diaspor potensialının mühüm amilə çevrildiyini göstərir.
Tədbir Qafqaz Universitetinin tələbələrinin rəqs kollektivinin və ayrı-ayrı tələbələrin ifasında Azərbaycana aid mahnılarla davam etdirildi. Tədbirin sonunda il ərzində müxtəlif yarışlarda, olimpiadalarda fərqlənən tələbələrə hədiyyələr verildi.

Gülşən HÜSEYNOVA,
“Respublika”.

Bu blogdaki popüler yayınlar

Azerbaijan - GOV - Azerbaijan to Host an International ICT Conference

Özəl və dövlət ali təhsil məktəbləri arasındakı fərq

VİCDAN SUSTUĞUNDA : Download PDF