Sosial İqtisadi Tədqiqatlar Mərkəzi Yeni Bir Layihəni Müvəffəqiyyətlə Hazırladı
18 December, 2011
Alternativ
enerji qaynaqlarından xüsusilə günəş və külək enerjisi artıq bir çox
ölkədə müzakirə edilməkdən çıxmış və artıq neçə illərdir ki, həyata
keçirilməyə başlanmışdır. Azərbaycanda bu cür enerji növləri ilə
zəngindir və yüksək potensiala sahibdir. Xüsusilə son zamanlarda
ölkəmizin artan enerji tələbatı onun iqtisadi inkişafının və əhalinin
rifahın yüksəlməsi bunun bariz bir nümunəsidir ki, bu tələbatı da
qarşılamaq üçün enerji istifadə mənbələrinin çeşitləndirilməsi strateji
xarakter daşıyır.
Enerji
sektorunda meydana gələn bu yeniliklər ölkə rəhbərliyinin diqqətindən
qaçmamış və Azərbaycan Respublikası Prezidenti İlham Əliyev Cənablarının
462 saylı 21 oktyabr 2004-cü il tarixli Sərəncamı ilə təsdiq edilmiş
“Azərbaycan Respublikasında alternativ və bərpa olunan enerji
mənbələrindən istifadə olunması üzrə Dövlət Proqramının” hazırlanması və
icrası Azərbaycan Respublikası Sənaye və Energetika Nazirliyi başda
olmaqla digər aidiyyatı qurumlara tapşırılmışdır.
Yuxarıda
sadalananları diqqət mərkəzində saxlayaraq Mərkəzimiz Azərbaycan
Respublikasının Prezidenti yanında Elmin İnkişafı Fondunun “gənc alim və
mütəxəssislər” üçün elan etdiyi qrant müsabiqəyə “alternativ və bərpa
oluna bilən enerji resursları” haqqında layihəni yazıb qurtarmışdır.
Layihənin məqsədi də bu proqrama uyğun olaraq ciddi çalışmalar aparmaq,
alternativ enerji sektorunun inkişaf xronologiyasını tədqiq etmək,
beynəlxalq aləmdə tətbiq olunan təcrübəni yaxından təqib etmək və
Azərbaycanda bu sahənin inkişaf potensialını və tətbiq oluna bilmə
qabiliyyətini detallı bir şəkildə öyrənmək, bu mənbələrdən əldə olunacaq
enerjinin ümumi enerji istehlakı içərisində nə nisbətdə olacağını
araşdırmaq və nəhayətində bununla bağlı yekun bir strategiya planı və ya
hesabat hazırlamaqdır.
Dünyada
olduğu kimi Azərbaycanda da enerjiyə olan tələbat istər məişət
sahəsində istərsə də istehsalatda davamlı olaraq artmaqdadır. Azərbaycan
Respublikasının əhalisinin artım tempinin müsbət olduğunu nəzərə alaraq
və bu artıma paralel olaraq iqtisadiyyatda meydana gələn yüksək inkişaf
tempi 2030-cu ildə ölkəmizin enerji tələbatının 100% artacağını
proqnozlaşdırılır. Ümumilikdə isə bütün dünyada enerji istehlakı
ortalama olaraq 60% artacağı təxmin edilir.
Dünyada
yaranan bu tendensiyanı yaxından izləmək və ölkəmizdə mövcud tələbatı
və gələcəkdə yarana biləcək ehtiyacları yaxından öyrənmək üçün
alternativ enerji qaynaqlarının inkişafına və istifadəsinə yönəlik ciddi
tədqiqat işləri aparmaq və dünyada ən yeni təcrübənin Azərbaycanda
tətbiq etməyin mümkünlüyünü araşdıraraq sektor analizi aparmaq bizim
əsas hədəfimizdir.
