Ümummilli lider Heydər Əliyev dünya elm adamları tərəfindən II dəfə anıldı

Ümummilli lider Heydər Əliyev dünya elm adamları tərəfindən II dəfə anıldıDünən Qafqaz Universitetində Azərbaycan Respublikası Təhsil Nazirliyi, Gənclər və İdman Nazirliyi və Qafqaz Universiteti ilə birlikdə ulu öndər Heydər Əliyevin anadan olmasının 91-ci ildönümünə həsr olunmuş Gənc Tədqiqatçıların II Beynəlxalq Elmi Konfransı keçirildi. Konfransın keçirilməsinin əsas məqsədi gənclərin ümummilli liderə olan böyük məhəbbətini beynəlxalq miqyasda digər ölkə gənclərinin nəzərinə çatdırmaq, gənclərin Heydər Əliyev ideyaları əsasında bir-biri ilə təmasda olmasına şərait yaratmaq oldu.
Konfransda çıxış edən Qafqaz Universitetinin rektoru, professor Ahmet Saniç gənclərə müraciətlə dedi: “Bu gün gənc elm adamlarını görəndə Azərbaycan elminin inkişafını görməmək mümkün deyil. Əziz gənclər, cəmiyyətə fayda verəcək elmlə məşğul olun və etdiyiniz nailiyyətləri layihə şəklində tətbiq etməyə çalışın”.
Qeyd edək ki, tədbirdə iqtisad elmləri doktoru, professor  Əvəz Bayramov və fəlsəfə doktoru Eldar Aslanov da çıxış edərək, ümumilli lider Heydər Əliyevin adı ilə bağlı olan konfransın xarici ölkələrdən gələn elm adamlarına onun ideyalarının təbliği baxımından  əvəzsiz xidməti olacağını qeyd etdilər.

Həvva Cəlilova 

zaman.az

Bu blogdaki popüler yayınlar

Azerbaijan - GOV - Azerbaijan to Host an International ICT Conference

Özəl və dövlət ali təhsil məktəbləri arasındakı fərq

VİCDAN SUSTUĞUNDA : Download PDF