Təhsil Nazirliyində “İNEPO-Avrasiya”nın iştirakçıları ilə görüş keçirilib
| Dünən Təhsil Nazirliyində ekologiya və təbiəti mühafizə problemlərinə həsr edilmiş Ətraf Mühitin Mühafizəsi VI Beynəlxalq Layihə Olimpiadasının (İNEPO-Avrasiya) iştirakçıları ilə görüş keçirilib. APA-nın məlumatına görə, tədbirdə çıxış edən təhsil naziri Misir Mərdanov bildirib ki, olimpiada aprelin 6-7-də Bakıda keçiriləcək və bu, Azərbaycanın dünyada daha yaxından tanınmasına şərait yaradacaq. Nazir deyib ki, olimpiadaya Azərbaycan da daxil olmaqla 43 ölkədən şagirdlər qatılıb: “Olimpiadanın təşkilat komitəsinə 400-dək layihə təqdim olunub. Onlardan 115-i seçilərək, münsiflər heyətinin müzakirəsinə veriləcək”. | |
|
M. Mərdanov bildirib ki, Ətraf Mühitin
Mühafizəsi Beynəlxalq Layihə Olimpiadasına qoşulan ölkələrin sayı ildən
ilə artır. Olimpiadada 2007-ci ildə 17, 2008-ci ildə 30, 2009-cu ildə
31, 2010-cu ildə 33, 20011-ci ildə isə 35 ölkə iştirak edib: “2007-ci
ildən keçirilən bu olimpiadada ekologiya və təbiəti mühafizə problemləri
ilə bağlı müxtəlif layihələrdə iştirak edən azərbaycanlı məktəblilər 21
qızıl, 22 gümüş və 25 bürünc medal qazanıblar”.
|
