Liseydə muğam gecəsi keçirilib
Gəncə Azərbaycan-Türkiyə Özəl Liseyində Ümumilli lider Heydər Əliyevin anadan olmasının 88-ci ildönümünə həsr olunmuş muğam gecəsi keçirilib. Muğam gecəsində liseyin kollektivi ilə bərabər Gəncədəki türk və azərbaycanlı iş adamları iştirak ediblər. Şənlikdə Gəncə Şəhər 5 saylı Musiqi Məktəbinin muğam müəllimi, tanınmış müğənni Mahir Qarabağlı və onun rəhbərlik etdiyi musiqi ansamblı bir-birindən mənalı gözəl muğam, xalq mahnıları və saz havaları ilə ifa ediblər. Gecəyə dəvət olunan qonaqlar şənliyin təşkilində əməyi olanlara təşəkkür ediblər və milli-mənəvi dəyərlərimizi əks etdirən belə tədbirlərin tez-tez keçirilməsini arzulayıblar.
Sonda liseyin müdiri Kenan Güzel qonaqlara öz dəyərli vaxtlarından ayırıb gecədə iştirak etdiklərinə görə dərin təşəkkürünü bildirib və onlara işlərində uğurlar arzulayıb.
Sonda liseyin müdiri Kenan Güzel qonaqlara öz dəyərli vaxtlarından ayırıb gecədə iştirak etdiklərinə görə dərin təşəkkürünü bildirib və onlara işlərində uğurlar arzulayıb.
