TEMPUS ENERGY layihəsinin ilkin görüşü Riqa Texniki Universitetində keçirildi.
14 Dekabr 2012-ci il tarixində Latviyanın Riqa şəhərində Qafqaz Universitetinin 2012-ci ildə qazanmış olduğu TEMPUS ENERGY (Development of Training Network for Improving Education in Energy Efficiency) layihəsinin ilkin görüşü layihənin baş koordinatorluğunu aparan Riqa Texniki Universitetində keçirilmişdir. Proqram Universitetin rektoru Prof. Leonids Ribicisinin açılış nitqi ilə başladı. Proqramda Qafqaz Universitetini Beynəlxalq əlaqələr şöbəsinin əməkdaşı təmsil edirdi.
Görüşdə layihə tərəfdaşlarından Avropanın doqquz ölkəsindən 14 universitet iştirak edirdi. Layihə tərəfdaşları aşağıdakı universitetlərdən ibarətdir:
Riga Technical University (Latviya)
Tallinn University of Technology (Estoniya)
Vilnius University (Litva)
Xəzər Universiteti (Azərbaycan)
Milli Aviasiya Akademiyası (Azərbaycan)
Lublin University of Technology (Polşa)
The Koszalin University of Technology (Polşa)
Katholieke Hogeschool Brugge-Oostende (Belçika)
Dunarea de Jos University of Galati (Ruminya)
Belarusian State University (Belarusiya)
Belarusian National Technical University (Belarusiya)
Belarussian State Agrarian Technical University (Belarusiya)
University of Pristina in Kosovska Mitrovica (Kosova)
Görüş zamanı layihənin hədəf və gələcək nəticələrini, əhatə sahəsi, layihədə istifadə ediləcək kurslara görə tədris proqramları, əməkdaş universitetlərlə birlikdə qrup halında tədris proqramlarının hazırlanması, layihənin maliyyə məsələləri və s. müzakirə edildi.Müzakirələrdən sonra layihənin baş koordinatru Riqa Texniki Universiteti ilə tərfdaş universitetlər arasında tərəfdaşlıq müqavilələri imzalandı.
http://iro.qu.edu.az/view_news.php?news=2846&lang=az
