Qafqaz Universitetində "I Beynəlxalq Bəxtiyar Vahabzadə Simpoziumu" keçirilir
Stenoqram.com
xəbər verir ki , Qafqaz Universitetində "I Beynəlxalq Bəxtiyar
Vahabzadə Simpoziumu" 13 Dekabrda öz işinə başlayıb. Sempozium
iştirakçıları dünən ümummilli lider Heydər Əliyevin məzarını ziyarət
etmişlər, əklil qoymuşlar. Xalq şiari Bəxtiyar Vahabzadənin məzarını da
ziyarət edərək ruhuna dualar oxumuşlar. Simpoziumun təşkilatçıları
Azərbaycan Respublikası Təhsil Nazirliyi, Türkiyə Respublikası Baş
Nazirliyinin Türk Əməkdaşlıq və Koordinasiya Agentliyi (TİKA), Qafqaz
Universiteti, "Qayə" fondu, Yunus Əmrə İnstitutu, Şəki İcra Hakimiyyəti
və Dialoq Avrasiyadır.Tədbirin giriş hissəsində xalq şairi Bəxtiyar
Vahabzadənin həyat və yaradıcılığına həsr olunmuş sənədli film nümayiş
olundu. Sonra simpoziumu giriş sözü ilə Qafqaz Universitetinin rektoru
Ahmet Saniç açdı və bildirdi ki, XX əsrin sonları XXI əsrin əvvəllərində
yaşanan ictimai dəyişmə və yenilikliklərə həyatı ilə şahidlik etmiş,
şahidi olduğu hadisələri əsərlərində əks etdirmiş mütəfəkkirlərdən biri
olan Bəxtiyar Vahabzadə ədəbiyyatçı, millət vəkili, pedaqoq, xüsusən də
Xalq Şairi kimi ictimai məhsuldarlığı və təsir gücü öz çağını aşmış,
düşüncələri Türk dünyasına yayılmış və geniş coğrafiyada hüsnrəğbət
görmüş bir türk ziyalısıdır.Sonra tədbirdə Təhsil nazirinin müavini Qulu Novruzov, Atatürk Mərkəzinin direktoru Nizami Cəfərov, Yazıçılar Birliyinin sədri Anar Rzayev və başqaları çıxış edərək ölməz şair, türk dünyasının sevilən şairi Bəxtiyar Vahabzadənin həyat və yaradıcılığından, zəngin irsindən danışdılar, onun gələcək nəsillərə layiqincə ötürülməsini xüsusi vurğuladılar.
Qeyd edək ki, "I Beynəlxalq Bəxtiyar Vahabzadə Simpoziumu"nda türk dünyasının görkəmli intellektual yazıçılarından biri olan Bəxtiyar Vahabzadənin əsərlərini və fikirlərini müzakirə etmək üçün 6 ölkədən 35 universitet və tədqiqat mərkəzindən 100-dən çox elm adamı və tədqiqatçı iştirak edir . Üç gün davam edəcək simpoziumda “Vahabzadə əsərlərində dil xüsusiyyətləri və sənətkarlıq”, “Vahabzadə və milli mübarizə”, “Vahabzadənin dram əsərləri, Vahabzadə və Türk dünyası”, “Vahabzadənin əsərlərində tərbiyə və mənəvi dəyərlər” mövzularında müzakirələr bölmələr şəklində davam etdiriləcək
Bugün simpoziumun əsas hissəsinin bağlanış mərasimi oldu. Qafqaz Universitetinin rektoru Pro.Dk Əhmət Sanıç və türk dünyasından Bakıya gələn qonaqlar çıxış sözüylə "I Beynəlxalq Bəxtiyar Vahabzadə Simpoziumu" haqqında öz fikirlərini bildirdilər
15 Dekabrda simpozium iştirakçılarının Bakı gəzintisiylə "I Beynəlxalq Bəxtiyar Vahabzadə Simpoziumu" tarixə qovuşacaq
Xatırladaq ki, "I Beynəlxalq Bəxtiyar Vahabzadə Simpoziumu" müddəti 13-15 Dekabr aralığıdır.
İsmayıl Türkel
http://stenoqram.com/?m=xeber&id=2901
