AzRoboHack - I Respublika Robot Proqramlaşdırma yarışı sona çatdı













Qafqaz Universiteti İKT Elmi Tədqiqat Mərkəzinin təşkilatçılığı, QUTexnoparkın dəstəyi və Azel Elektronik LTD şirkətinin sponsorluğu ilə Ümummilli Lider Heydər Əliyevin anadan olmasının 91-ci ildönümünə həsr olunmuş - I Respublika Robot Proqramlaşdırma yarışı sona çatdı.
  • Birinci yer - Huggies komandası, mükafat 500 AZN
  • İkinci yer - BDU-Tətbiqçi komandası, mükafat 300 AZN
  • Üçüncü yerlər - RoboOlimp və Crerobotative komandaları, mükafat hər bir komandaya 200 AZN
Müsabiqədə iştirak edən digər komandalar iştirakçı sertifikatı ilə təltif olundular.
Qeyd edək ki, AzRoboHack müsabiqəsinə 14 aprel tarixində start verilmişdir. 27 aprelə qədər davam edən qeydiyyat mərhələsində Qafqaz Universiteti, Azərbaycan Dövlət Neft Akademiyası, Azərbaycan Texniki Universiteti, Bakı Dövlət Universiteti və digər universitet tələbələrindən 55 komanda qeydiyyatdan keçmişdir. Qeydiyyatdan keçmiş komandaları müqayisə etmək və layiq olanları seçmək üçün komandalar bir neçə mərhələdə seçimlərdə iştirak etmişlərdir.
Öncə 28-29 aprel tarixlərində qeydiyyatdan keçmiş komandalar E-olimp veb səhifəsində təşkil olunmuş AzRoboHack 1 və AzRoboHack 2 online müsabiqələrində öz proqramlaşdırma biliklərini sübut etməyə çalışmışlar. Bu mərhələyə 43 komanda qatılmağa razılıq verdi və bu komandalardan 34-ü online seçim müsabiqəsində iştirak etdi. Növbəti mərhələdə öncədən təyin olunmuş keçid balını (1000 bal) keçən 21 komanda online və ya canlı müsahibə mərhələsində iştirak etdilər. Bu mərhələdə iştirakçıların robototexnika sahəsindəki biliklərinin ölçülməsi üçün suallar verildi və bu sahəyə olan maraqlarına önəm verildi. Müsahibə nəticəsində 10 komanda final mərhələsinə vəsiqə qazandı. 3-4 may tarixlərində keçirilən təlimlərdə finalçılara, online seçim mərhələsində xüsusilə fərqlənən digər komandalara və İKTETM-in davamçılarına robototexnika, LEGO Education Set istifadə etməklə robot prototiplərinin hazırlanması və proqramlaşdırılması, leJOS, leJOS mühitində və vizual mühitdə LEGOların proqramlaşdırılması və digər mövzularda təlimlər keçirildi.
Layihənin məqsədi ölkədə universitet tələbələrinin bu sahə üzrə potensialını ortaya çıxarmaq, tələbələrin az vaxtda çox iş görmək bacarığını inkişaf etdirmək, tələbələrin robototexnikaya olan marağını artırmaqdır. Finalçı komandalar təlimlərdə əldə etdikləri bilikləri 5-6 may tarixlərində keçirilən final mərhələsində istifadə edərək öz layihələrini həyata keçirib, yarış mükafatçıları sırasına düşmək üçün mübarizə apardılar. Nəticədə aşağıdakı komandalar qalib gələrək mükafat qazandılar. 
Yekun olaraq, bütün iştirakçı komandalar İKT Elmi Tədqiqat Mərkəzinin gələcək layihələrinə qoşulmağa dəvət olundular.

http://ictsrcqu.org/az/component/content/article/81-x-b-rl-r/144-azrobohack-i-respublika-robot-proqramlasd-rma-yar-s-sona-catd

Bu blogdaki popüler yayınlar

Azerbaijan - GOV - Azerbaijan to Host an International ICT Conference

Özəl və dövlət ali təhsil məktəbləri arasındakı fərq

VİCDAN SUSTUĞUNDA : Download PDF