Qafqaz Universitetinin dosenti Mehmet Rıhtım Türkiyənin Ülke Tv kanalında
Şənbə günü axşam Türkiyənin Ülke Tv kanalında
Açıq Dəniz proqramında Türkiyə saatı ilə 22:15-də Qafqaz Universitetinin
dosenti Mehmet Rıhtım Azərbaycan mütəfəkkiri, Seyid Yəhyanın əsas
nümayəndələrindən olduğu və Osmanlı imperatorluğunun yüksəliş
dövrlərində qarşıya çıxan Xəlvətiyyə sufi-fəlsəfi məktəbi və onun
nümayəndələri haqqında danışdı.
Nevada Universitetinin professoru John
J. Curry ilə birlikdə qonaq olduğu bu proqram Mehmet Rıhtımın Açıq Dəniz
proqramında ikinci çıxışı idi. Tanınmış yazar və aparıcı olan Sadık
Yalsızuçanların hazırlayıb təqdim etdiyi və rejissorluğunu Ayhan
Pala'nın həyata keçirdiyi bu dəfəki proqramda Camal Xəlvəti, Ömər
Xəlvəti, Şeyx Şabanı Vəli, Ömər Fuad, Niyazi Misri kimi müdriklərin
Osmanlı təsəvvüf həyatındakı izləri və təsirlərindən danışıldı.
Mehmet
Rıhtım Xəlvətiliyin ikinci piri olan Seyid Yəhya Bakuvinin Anadoluya
təsiri, yetişdirdiyi tələbələr, yaşadığı dövrün siyasi mənzərəsindən,
Türkiyə və Azərbaycanda Xəlvətiliklə bağlı aparılan araşdırmalardan bəhs
etdi. John Curry də Xəlvətiliyin tarixi, Balkanlar və Misirdəki
təsirindən bəhs etdi. Proqram tamaşaçılardan da gələn suallar əsasında
səmimi bir şəraitdə keçdi.
