“Qafqaz Universiteti” üzərində qələbə “Bakı” komandasına baha başa gəlib
“Bakı” hər qola görə 100 manat ziyana düşüb
Futbol üzrə Azərbaycan kubokunun ilk 1/8 final matçında “Qafqaz Universiteti”nin qapısından keçirdiyi hər bir qol “Bakı” komandasını 100 manat ziyana salıb. Lent.az-ın məlumatına görə, AFFA-nın Nizam-İntizam Komitəsi paytaxtın eyniadlı klubunu 1000 manat məbləğində cərimələyib.
Səbəb “Qafqaz Universiteti” üzərində 10:0 hesabı ilə qalib gəldiyi görüşdə “Bakı”nın 4 futbolçusunun sarı vərəqə alması olub. “Neftçi” isə MOİK-lə ölkə kuboku qarşılaşmasında eyni sayda oyunçusuna xəbərdarlıq edilməsi ilə bağlı 1000 manat itirib.
