Qafqaz Universiteti Texnoparkı “Yeni fikir” müsabiqəsinə start verdi
QUTECHNOPARK və
ona partnyor şirkətlərlə ortaq həyata keçirilən “Yeni Fikir” Müsabiqəsi
təkcə Qafqaz Universiteti tələbələrinə deyil, Azərbaycanın bütün
universitetlərinin tələbə və məzunlarına xitab edir. “Yeni fikir”
müsabiqəsinin keçirilməsində əsas məqsəd Azərbaycanda gənclər arasında
sahibkarlığın inkişaf etdirilməsinə nail olmaqla yanaşı, texnologiya
sahəsində innovativ fikirlərin ortaya çıxarılmasına töhfə verməkdir.
Müsabiqədə iştirak etmək istəyən gənclər öz ideyalarını layihə şəklində
hazırlayaraq, 25 mart 2013-cü il tarixinə kimi “www.yenifikir.az”
saytına daxil olaraq, “online” qeydiyyatdan keçməlidirlər.
“Yeni fikir”
müsabiqəsinin qalibləri QUTECHNOPARK tərəfindən istər ofis şəraiti ilə,
istərsə də digər amillərlə təmin ediləcəklər. Bununla belə, müsabiqənin
nəticələrinə görə, ilk 3 yerə sahib olan layihə müəllifləri Orta Doğu
Texnik Universitetinin Texnoparkında bir ay müddətində fəaliyyət
göstərmək imkanı qazanacaqlar.
Bu müsabiqə haqqında ətraflı məlumat
almaq istəyənlər Qafqaz Universiteti Texnoparkına (QUTECHNOPARK)
müraciət etməklə bərabər, “www.yenifikir.az” saytından da istifadə edə
bilərlər.
