REDAKTORLAR GƏLƏCƏK JURNALİSTLƏRLƏ GÖRÜŞDÜLƏR


Bu gün Qafqaz Universitetində redaktorlarla tələbələrin görüşü keçirildi. Görüşdə “Ədalət” qəzetinin baş redaktoru İradə Tuncay, “Şərq” qəzetinin baş redaktoru Akif Aşırlı, “Zaman-Azərbaycan” qəzetinin baş redaktoru Süleyman Ünal, “Yeni Müsavat” qəzetinin baş redaktoru Rauf Arifoğlu iştirak edirdilər. Görüşü universitetin jurnalistika kafedrasının müdiri professor Qulu Məhərrəmli aparırdı.
Tədbirdən öncə Qafqaz Universitetinin rektoru, professor Ahmet Sanıç redaktorları universitet ilə yaxından tanış etdi. Rektor universitetdə yeni yaradılan labarotoriyalar, tikilən yeni yataqxana və korpusla redaktorları tanış etdikdən sonra bir neçə sinif otağını gəzdirib, keçirilən dərslərin keyfiyyəti barədə qonaqlara məlumat verdi.
Daha sonra Qafqaz Universitetinin konfrans zalında yeni yaradılmış Jurnalistika fakültəsinin tələbələri ilə redaktorların görüşü baş tutdu. Tədbiri giriş sözü ilə açan Qulu Məhərrəmli gələcəyin juralistlərinə qonaqlar barədə məlumat verdi. Tələbələrlə görüşə gələn redaktorlar gənc nəsilə öz dəyərli məsləhətlərini verdilər. Çıxış edən “Yeni Müsavat” qəzetinin baş redaktoru Rauf Arifoğlu zalda iştirak edən tələbələrə üz tutararaq onları gələcək həmkarları kimi gördüyünü söylədi: “Biz sizləri gələcək həmkarlarımız kimi bərabər səviyyədə görürük. Bəlkə də hazırda burada sizin aranızda əyləşən gənclər gələcəkdə hansısa bir media quruluşunun rəhbəri olacaq. Biz hər zaman gənc nəslin, sizlərin yanındayıq və bu yolda sizə hər cür dəstəyi verməyə hazırıq”.
R. Arifoğlu daha sonra tələbələrə Azərbaycanda mediasının hazırkı durumu, rəhbərlik etdiyi qəzetin fəaliyyəti barədə geniş məlumat verdi.
Daha sonra çıxış edən redaktorlar İradə Tuncay, Akif Aşırlı, Süleyman Ünal gənclərin suallarını cavablandırmazdan əvvəl onlara jurnalistika sahəsi ilə bağlı tövsiyyələrini verdilər.
Tədbirin ən maraqlı hissəsi ilə redaktorlarla tələbələr arasında keçirilən sual-cavab oldu. Fakutənin aktiv tələbələri onları maraqlandıran sualları qəzet rəhbərlərinə ünvanladılar. Tədbirin sual-cavab hissədinə iştirak edən tələbələr arasında Elmar Allahverdiyev xüsusi ilə seçilirdi.
Tədbirin yekununda çıxış edən Qafqaz Universitetinin rektoru professor Ahmet Sanıç gələcəkdə bu kimi tədbirlərin tez-tez keçiriləcəyi anonsunu verdi. Daha sonra Qafqaz universitetinin Jurnalistika fakultəsinin tələbələri qonaqlarla xatirə şəkli çəkdirdilər.
Fərahim İLQAROĞLU
http://www.musavat.com/new/Media/112760-REDAKTORLAR_G%C6%8FL%C6%8FC%C6%8FK_JURNAL%C4%B0STL%C6%8FRL%C6%8F_G%C3%96R%C3%9C%C5%9ED%C3%9CL%C6%8FR_%28FOTOLAR%29

Bu blogdaki popüler yayınlar

Özəl və dövlət ali təhsil məktəbləri arasındakı fərq

Resim
Mətn ölçüsü:   Son dövrlər Azərbaycanda özəl universitetləri çıxmaq şərtilə, dövlət ali məktəblərində demək olar ki, rəqabət olmadığından bir çox tələbə işəgötürənlər tərəfindən qəbul edilmir. Nəticədə min bir əziyyətə qatlaşaraq dövlət universitetini bitirib diplom alan tələbə iş tapa bilmir. O da faktdır ki, bir çoxları nəyin bahasına olursa-olsun saxta diploma belə əl ataraq işə qəbul edilir və nəticədə yenə təhsilin tədrisi təhlükə altına düşür. Pullu təhsildən bu sahədə biznes quranların daha çox qazanmasına keç kəs irad tuta bilməz. Amma pullu təhsilin cibi boş olan savadlı və istedadlı gənclərin yolunu bağladığı da gerçəklikdir. Yaxşı, görəsən hazırda gənclərin təhsilə marağı hansı səviyyədədir və ümumiyyətlə nə üçün Azərbaycanda özəl təhsil, dövlət hesabına təhsili sıxışdırır? Bu hal Azərbaycanla müqayisədə xarici ölkələrdə necədir? Əməkdaşımız Aynurə Sultan ali təhsilin hazırkı vəziyəti ilə bağlı bu və digər suallara cavab tapmağa çalışıb....
More>>> Devamı>>>

VİCDAN SUSTUĞUNDA : Download PDF

Resim
VİCDAN SUSTUĞUNDA Vidadi Babanlı Səhifə sayı: 622 Format: 17x24sm Nəşr ili: 2011 Faylın həcmi: 16.5 MB 1727 dəfə yüklənib    Download PDF Kitab Vidadi Babanlının Vicdan Susanda romanının Türkiyə türkçəsinə tərcüməsidir. Kitabın Türkiyə Türkçəsinə tərcüməsi Qafqaz Universiteti Tərcümə Mərkəzi tərəfindən olunmuşdur. http://www.qu.edu.az/library.php?q=Qafqaz%20Universiteti&action[book_view]=72&start=81&lang=az
More>>> Devamı>>>

Ən yüksək keçid balı Qafqaz Universitetinin birinci qrupuna daxil olan kompüter mühəndisliyi ixtisasındadır

Resim
Tələbə Qəbulu üzrə Dövlət Komissiyası (TQDK) 2011-2012-ci tədris ili üçün tələbə qəbulu ilə bağlı elmi-statistik təhlilin nəticələrini açıqlayıb. TQDK sədri Məleykə Abbaszadə bildirib ki, bu il ali təhsil müəssisələrinə qəbul imtahanlarında 5433 abtituriyent 500-dən, o cümlədən 1540 abitruiyent 600-dən yuxarı bal toplayıb. M.Abbaszadə abituriyentləri yüksək nəticələr göstərən bölgələrin də müəyyənləşdiyini qeyd edib. Onun sözlərinə bunlar əsasən respublikanın 72 bölgəsini təmsil edir. “Bakı, Sumqayıt, Naxçıvan şəhərləri, o cümlədən Qax, Ordubad, Qəbələ, İsmayıllı rayonlarından ali məktəblərə imtahan verən abituriyentlərin bal göstəriciləri yüksək olub. Bu bölgələrdən ali təhsil müəssislərinə sənəd verən hər 100 nəfər gəncin 6-9-u imtahanlarda 500-dən yuxarı bal toplayır. Bu göstəricidə rayonlar üzrə Qax liderlik edir. Qax abituriyentlərinin topladığı bal orta hesabla 255-dən yuxarıdır. İmtahanlarda ən aşağı balı İmişli, Ağsu, Hacıqabul rayonlarının abituriyentləri ...
More>>> Devamı>>>