Qafqaz Araşdırmaları İnstitutununda iki yeni kitab Azərbaycan oxucusuna təqdim olunur

       Bu həftə Qafqaz Universitetinin nəzdində fəaliyyət göstərən Qafqaz Araşdırmaları İnstitutununda iki kitabın sevinci yaşanmışdır. Qafqaz Araşdırmaları İnstitunun nəşr etdiyi “Yahya Kamal Bəyatlı” kitabı işıq üzü görmüş və İnstitutun müdürü dosent.dr Mehmet Rıhtımın “Mövlanə İsmayıl Siracəddin Şirvani” kitabı bəzi əlavələrlə təkrar nəşr edilmişdir. 
Müəllifləri filologiya elmləri doktoru, professor Maarifə Hacıyeva və Qafqaz Universitetinin dosenti Mehmet Rıhtım olan “Yahya Kamal Bəyatlı” əsəri dərs vəsaiti olaraq nəzərdə tutulmuşdur. Uzun çalışmalardan sonra ərsəyə gələn kitab türk ədəbiyyatının və mədəniyyətinin böyük simalarından olan Yahya Kamal Bəyatlının həyatı və fəaliyyətinin tədqiqinə həsr edilmişdir. Kitabda Yahya Kamalın həyatı geniş işıqlandırılmış, yaradıcılığı bir çox yönləri ilə təhlil edilmiş, şairin şeirlərindən məktub və məqalələrindən seçmələr verilmişdir. Kitabın elmi redaktoru olan filologiya elmləri doktoru, professor Minaxanım Təkləlinin sözlərinə görə, türk millətinin tarix boyunca yetişdirdiyi ədəbi şəxsiyyətləri geniş oxucu kütləsinə hərtərəfli tanıtmaqla ədəbiyyatımızın möhkəm ortaq təməllərə dayandığı reallığını bir daha ifadə etmiş oluruq. Yahya Kamalın həyatı, elmi və bədii yaradıcılığı ilk dəfə olaraq bu əsərdə Azərbaycan oxucusuna təqdim olunur.
Dos.dr.Mehmet Rıhtımın Fariz Xəlilli ilə birlikdə 2003-cü ildə hazırlayıb nəşr etdiyi “Mövlanə İsmayıl Siracəddin Şirvani” kitabı yenidən nəşr edilmişdir. Kitabda XIX əsrin tanınmış alimlərindən olan, Azərbaycanın, Türkiyənin və bütün Qafqazın ictimai həyatında mühüm xidmətlər göstərən Mövlanə İsmayıl Siracəddin Şirvaninin həyat və fəaliyyətindən, ardıcıllarından bəhs edilir.
Birinci nəşrin daha təkmilləşdirilmiş variantı olan əsər Azərbaycan oxucusuna təqdim olunur.  

Bu blogdaki popüler yayınlar

Özəl və dövlət ali təhsil məktəbləri arasındakı fərq

Resim
Mətn ölçüsü:   Son dövrlər Azərbaycanda özəl universitetləri çıxmaq şərtilə, dövlət ali məktəblərində demək olar ki, rəqabət olmadığından bir çox tələbə işəgötürənlər tərəfindən qəbul edilmir. Nəticədə min bir əziyyətə qatlaşaraq dövlət universitetini bitirib diplom alan tələbə iş tapa bilmir. O da faktdır ki, bir çoxları nəyin bahasına olursa-olsun saxta diploma belə əl ataraq işə qəbul edilir və nəticədə yenə təhsilin tədrisi təhlükə altına düşür. Pullu təhsildən bu sahədə biznes quranların daha çox qazanmasına keç kəs irad tuta bilməz. Amma pullu təhsilin cibi boş olan savadlı və istedadlı gənclərin yolunu bağladığı da gerçəklikdir. Yaxşı, görəsən hazırda gənclərin təhsilə marağı hansı səviyyədədir və ümumiyyətlə nə üçün Azərbaycanda özəl təhsil, dövlət hesabına təhsili sıxışdırır? Bu hal Azərbaycanla müqayisədə xarici ölkələrdə necədir? Əməkdaşımız Aynurə Sultan ali təhsilin hazırkı vəziyəti ilə bağlı bu və digər suallara cavab tapmağa çalışıb....
More>>> Devamı>>>

VİCDAN SUSTUĞUNDA : Download PDF

Resim
VİCDAN SUSTUĞUNDA Vidadi Babanlı Səhifə sayı: 622 Format: 17x24sm Nəşr ili: 2011 Faylın həcmi: 16.5 MB 1727 dəfə yüklənib    Download PDF Kitab Vidadi Babanlının Vicdan Susanda romanının Türkiyə türkçəsinə tərcüməsidir. Kitabın Türkiyə Türkçəsinə tərcüməsi Qafqaz Universiteti Tərcümə Mərkəzi tərəfindən olunmuşdur. http://www.qu.edu.az/library.php?q=Qafqaz%20Universiteti&action[book_view]=72&start=81&lang=az
More>>> Devamı>>>

Ən yüksək keçid balı Qafqaz Universitetinin birinci qrupuna daxil olan kompüter mühəndisliyi ixtisasındadır

Resim
Tələbə Qəbulu üzrə Dövlət Komissiyası (TQDK) 2011-2012-ci tədris ili üçün tələbə qəbulu ilə bağlı elmi-statistik təhlilin nəticələrini açıqlayıb. TQDK sədri Məleykə Abbaszadə bildirib ki, bu il ali təhsil müəssisələrinə qəbul imtahanlarında 5433 abtituriyent 500-dən, o cümlədən 1540 abitruiyent 600-dən yuxarı bal toplayıb. M.Abbaszadə abituriyentləri yüksək nəticələr göstərən bölgələrin də müəyyənləşdiyini qeyd edib. Onun sözlərinə bunlar əsasən respublikanın 72 bölgəsini təmsil edir. “Bakı, Sumqayıt, Naxçıvan şəhərləri, o cümlədən Qax, Ordubad, Qəbələ, İsmayıllı rayonlarından ali məktəblərə imtahan verən abituriyentlərin bal göstəriciləri yüksək olub. Bu bölgələrdən ali təhsil müəssislərinə sənəd verən hər 100 nəfər gəncin 6-9-u imtahanlarda 500-dən yuxarı bal toplayır. Bu göstəricidə rayonlar üzrə Qax liderlik edir. Qax abituriyentlərinin topladığı bal orta hesabla 255-dən yuxarıdır. İmtahanlarda ən aşağı balı İmişli, Ağsu, Hacıqabul rayonlarının abituriyentləri ...
More>>> Devamı>>>