Qafqaz Universitetinin əməkdaşları Naxçıvan Özəl Universitetində

Qafqaz Universitetinin əməkdaşları Naxçıvan Özəl Universitetində

Qafqaz Universitetinin əməkdaşlarından ibarət bir qrup heyət ENOTES TEMPUS proqramı çərçivəsində Naxçıvan Özəl Universitetində  yaradılmış ECDL Mərkəzi ilə tanışlıq məqsədilə bu ali məktəbdə olub. Universitetin rektoru, professor İsmayıl Əliyev ölkəmizdə, o cümlədən onun ayrılmaz tərkib hissəsi olan muxtar respublikada elmin, təhsilin inkişafına göstərilən yüksək qayğıdan danışıb, Naxçıvan Özəl  Universitetinin keçdiyi inkişaf yolu və beynəlxalq əlaqələri barədə ətraflı məlumat verib.
Qonaqlar adından Qafqaz Universitetinin beynəlxalq əlaqələr üzrə prorektoru Sənnur Əliyev çıxış edərək səmimi qarşılandıqlarına görə minnətdarlıqlarını bildirib. Universitetlərarası əlaqələrin inkişafında, tərəfdaşlığın əhəmiyyətindən, bu istiqamətdə qarşıda duran vəzifələrdən danışılıb.
Sonra qonaqlar Naxçıvan Özəl Universitetinin strukturunu, eləcə də beynəlxalq əlaqələrinin inkişafını əks etdirən təqdimata baxıb,  universitet ərazisini gəzərək ali məktəb üçün inşa edilən ayrı-ayrı korpuslarla tanış olublar.
Görüş zamanı Naxçıvan Özəl Universiteti ilə Qafqaz Universiteti arasında sıx əməkdaşlıqdan, universitetlər arasında həyata keçirilən tələbə mübadiləsindən danışılıb, eləcə də  NÖU professor-müəllim heyətinin Qafqaz Universitetində ixtisasartırma kurslarında iştirakı məsələlərinə toxunulub.

Bu blogdaki popüler yayınlar

Azerbaijan - GOV - Azerbaijan to Host an International ICT Conference

Özəl və dövlət ali təhsil məktəbləri arasındakı fərq

VİCDAN SUSTUĞUNDA : Download PDF