«Evliya Çələbi Azərbaycanda…» Türkiyə səfirliyində məşhur türk səyyahının Azərbaycan səfərinə aid kitabın təqdimatı keçirildi
Türkiyənin Azərbaycandakı səfirliyində “Övliya Çələbinin
Səyahətnaməsində Azərbaycan” kitabının təqdimat mərasimi keçirilib.
Milli Məclisin deputatlarının və ictimaiyyət nümayəndələrinin qatıldığı
tədbirdə “Evliya Çələbi Azərbaycanda” adlı sərgi də təşkil olunub.
Qafqaz Universiteti Qafqaz Araşdırmalar İnstitutu tərəfindən nəşr edilən
kitabı filologiya elmləri üzrə fəlsəfə doktoru Mehmet Rıhtım nəşrə
hazırlayıb. Kitabda Övliya Çələbinin yazdığı “Səyahətnamə” əsərində
Azərbaycanla bağlı verilmiş bilgilər toplanıb. Təqdimat mərasimindı
çıxış edən Türkiyənin Azərbaycandakı səfiri Alper Coşkun bildirib ki,
görkəmli türk səyyahı Evliya çələbinin Azərbaycana olan səfərləri əhatə
olunan kitabda XVII əsr Azərbaycanın tarixi, coğrafiyası, ölkədəki
siyasi durum, əhalisi, onun məşğuliyyəti və bir sıra qiymətli bilgilər
əks olunub.
Səfir onu da bildirib ki, Evliya Çələbinin qoyduğu
bu materiallar Azərbaycan tarixçi və coğrafiyaşünasları üçün ciddi bir
mənbə olacaq. Tədbirdə çıxış edən kitabın müəllifi Mehmet Rıhtım
bildirib ki, Evliya çələbi tarixi ədib gözül ilə görən insan olub:
“Evliyanın səyahət yolu qədim Azərbaycan torpaqlarından- Urmiyədən
başlamış Naxçıvan, İrəvanı keçməklə, Təbrizə, Bakıya uzanır. Evliya
Çələbinin təsviri ilə Naxçıvan, Gəncə, Bakı qalası tarixi sevən hər
oxucunun gözləri qarşısında açılır. Onun Azərbaycanda gördüyü hər şey:
bazarlar, karvansaralar, camilər, hamamlar o dövrün sosial-mədəni
həyyatı haqqında əvəzssiz materialdır”.
Mehmet Rəhtım onu da deyib
ki, Qafqaz Araşdırmalar İnstututu olaraq, 2011 -ci ildə Evliya
Çələbinin 400 illik yubileyi münasibətilə nəşr edilən “Evliya Çələbi
Azərbaycanda” adlı bu əsər Türkiyə və Azərbaycan arasında tarix və
mədəniyyət araşdırmaları sahəsindəki əlaqələrin inkişafına öz tövhəsini
verəcəyinə inanır.
Tədbirin sonunda qonaqların iştirakı ilə “Evliya Çələbi Azərbaycanda” adlı sərgiyə baxış keçirilib.
Pərviz Həşimlihttp://www.bizimyol.info/?sehife=1&xeber=7491
