Qafqaz Universiteti informatika üzrə olimpiadada yenə birinci oldu

 Rabitə və Yüksək Texnologiyalar Nazirliyi, Heydər Əliyev Fondu, Təhsil Nazirliyi və AMEA-nın İnformasiya Texnologiyaları İnstitutunun birgə təşkilatçılığı ilə 17 May - Dünya Telekommunikasiya və İnformasiya Cəmiyyəti Gününə həsr olunan “Ali məktəb tələbələri arasında informatika üzrə X Ümumrespublika Olimpiadası”nın final mərhələsi keçirilib.

Qeyd edək ki, olimpiadanın 5 aprel 2015-ci il tarixində Qafqaz Universitetində keçirilmiş ilk mərhələsində Respublikanın 16 ali təhsil müəssisəsindən 55 komanda (hər komandada 3 nəfər) iştirak etmişdir. Bu ildən tətbiq olunan yeni qaydalara əsasən birinci mərhələdə iştirak edən ali təhsil müəssələrinin ən yüksək nəticə göstərən bir komandası (12 ali təhsil müəssisəsindən - Qafqaz Universiteti,  M. V. Lomonosov adına MDU-nun Bakı filialı, ADA Universiteti,  Azərbaycan Texniki Universiteti, Bakı Dövlət Universiteti, Milli Aviasiya Akademiyası, Azərbaycan Memarlıq və İnşaat Universiteti, Azərbaycan Dövlət Neft Akademiyası, Bakı Ali Neft Məktəbi, Azərbaycan Universiteti, Naxçıvan Dövlət Universiteti, Dövlət İdarəçilik Akademiyasından 12 komanda) olimpiadanın final mərhələsinə vəsiqə qazanıb.

Müsabiqə zamanı komandalara 9 məsələnin həlli alqoritminin proqramını tərtib etmək tapşırığı verilib.

Qafqaz Universitetindən Teleqraf.com-a verilən məlumata görə, Qafqaz Universitetinin Qafqaz Programmers komandası “Ali məktəb tələbələri arasında informatika üzrə X Ümumrespublika Olimpiadası”nın birincisi olub. Məlumatda o da bilridrlib ki, Qafqaz Programmers komandası ardıcıl olaraq 5 il bu müsabiqənin birincisi olub.

SEVİL
http://www.teleqraf.com/news/54009#

Bu blogdaki popüler yayınlar

Azerbaijan - GOV - Azerbaijan to Host an International ICT Conference

Özəl və dövlət ali təhsil məktəbləri arasındakı fərq

VİCDAN SUSTUĞUNDA : Download PDF