Qafqaz Universitetində məzun günü keçirilib

Qafqaz Universitetində 2011-2012-ci tədris ilinin yekunlarına həsr olunan tədbir keçirilib.
Tədbirdə çıxış edən Qafqaz Universitetinin rektoru Ahmed Saniç bildirib ki, rəhbərlik etdiyi ali təhsil ocağını bu il mühəndislik üzrə 106, hüquq üzrə 14, iqtisadiyyat üzrə 150, pedaqoji fakültədən 170 məzun bitirir. Magistratura pilləsini isə 70 məzun başa vurur. Rektor əlavə edib ki, Qafqaz Universitetinin tələbələri dünyanın 45 ölkəsində işləyir və təhsil alır: “Bu gün burada məzun gecəsi keçirməmizin səbəbi sizlərsiniz. Bizlər sizləri sabahlara hazırlayırıq. Əziz gənclər. Bu gün elm insanın xəyal etdiklərindən də çox sürətlə irəliləyir. Bu gündən dünənin dünyasında yaşamırıq. Sabah isə bu günün dünyasında yaşaya bilmərik. Elmi biliklərimizi birləşdirib daha gözəl niyyətlər əldə edək. O zaman daha savadlı olacağıq. Bu düşüncə ilə sizi həyat məktəbinə yola salırıq. Yolunuz açıq olsun”.
Rektor əlavə edib ki, Qafqaz Universiteti 1993-cü ildə ümummilli lider Heydər Əliyevin xeyir-duası ilə yaradılıb: “Məzunların saylarının bu həddə çatmasına baxmayaraq, tədris müddəti ərzində tələbələrə hər cəhətdən yüksək qayğı göstərən universitet məzun olduqdan sonra da onlara diqqət və qayğısını əsirgəmir”. A.Saniç qeyd edib ki, Qafqaz Universiteti tələbələrə təhsil verməklə yanaşı onların asudə vaxtlarını səmərəli keçirməsi üçün dərnəklər fəaliyyət göstərir. Hazırda universitetdə 24 tələbə dərnəyi var və tələbələrin 65 faizi bu dərnəklərin üzvüdür. A.Saniç bildirib ki, hazırda Amerika və Avropanın bir sıra nüfuzlu ali təhsil müəssisələri Qafqaz Universitetindəki tədris sistemini öyrənir, tədrisin müasir standartlara uyğun yüksək ixtisaslı mütəxəssislər tərəfindən aparıldığını nəzərə alaraq universitetlə partnyorluq əlaqələri qurmağı təklif edirlər.
Təhsil nazirinin müavini Elmar Qasımov universitetin fəaliyyəti və onun uğurlarından bəhs edib, məzunlara uğurlar arzulayıb: “İnanıram ki, bitirdiyiniz bu təhsil ocağı sizin həyatınızda unudulmayacaq izlər buraxıb. Dünyanın hansı bölgəsində olunsunuzsa olun öz universitetinizi yaddan çıxarmayın”.
Çağ Öyrətim Şirkətinin prezidenti Ənvər Özərən isə ümid etdiyini bildirib ki, məzunlar gələcək fəaliyyətlərində ölkəmizin gələcəyi üçün əllərindən gələni əsirgəməyəcəklər.
S.QARAYEVA
http://www.525.az/view.php?lang=az&menu=19&id=31188

Bu blogdaki popüler yayınlar

Azerbaijan - GOV - Azerbaijan to Host an International ICT Conference

The 3rd International Conference on Application of Information and Communication Technologies (AICT2009) will be held in Baku on the October 14-16, 2009. The conference invites high-quality recent research results in the areas of Information and Communication ICT in Emergency services and disaster recovery, ICT in Education and businesses, ICT in Research, ICT in security, ICT in Health care services and bio-informatics, Home and Health networking, ICT in governments, Electronic commerce, Mobility and Mobile Payments, Broadband access, satellite services, rural communications, Mobile and Wireless Communications, optical communications and networking, architectures, protocols, planning and design, ICT in management and modeling, analysis, simulation and performance evaluation and test results. The main goal of the conference is to bring together scientists and engineers who work and teach in these specialized fields to submit recent papers and come together in this geographi
More>>> Devamı>>>

Özəl və dövlət ali təhsil məktəbləri arasındakı fərq

Resim
Mətn ölçüsü:   Son dövrlər Azərbaycanda özəl universitetləri çıxmaq şərtilə, dövlət ali məktəblərində demək olar ki, rəqabət olmadığından bir çox tələbə işəgötürənlər tərəfindən qəbul edilmir. Nəticədə min bir əziyyətə qatlaşaraq dövlət universitetini bitirib diplom alan tələbə iş tapa bilmir. O da faktdır ki, bir çoxları nəyin bahasına olursa-olsun saxta diploma belə əl ataraq işə qəbul edilir və nəticədə yenə təhsilin tədrisi təhlükə altına düşür. Pullu təhsildən bu sahədə biznes quranların daha çox qazanmasına keç kəs irad tuta bilməz. Amma pullu təhsilin cibi boş olan savadlı və istedadlı gənclərin yolunu bağladığı da gerçəklikdir. Yaxşı, görəsən hazırda gənclərin təhsilə marağı hansı səviyyədədir və ümumiyyətlə nə üçün Azərbaycanda özəl təhsil, dövlət hesabına təhsili sıxışdırır? Bu hal Azərbaycanla müqayisədə xarici ölkələrdə necədir? Əməkdaşımız Aynurə Sultan ali təhsilin hazırkı vəziyəti ilə bağlı bu və digər suallara cavab tapmağa çalışıb.
More>>> Devamı>>>

Ən yüksək keçid balı Qafqaz Universitetinin birinci qrupuna daxil olan kompüter mühəndisliyi ixtisasındadır

Resim
Tələbə Qəbulu üzrə Dövlət Komissiyası (TQDK) 2011-2012-ci tədris ili üçün tələbə qəbulu ilə bağlı elmi-statistik təhlilin nəticələrini açıqlayıb. TQDK sədri Məleykə Abbaszadə bildirib ki, bu il ali təhsil müəssisələrinə qəbul imtahanlarında 5433 abtituriyent 500-dən, o cümlədən 1540 abitruiyent 600-dən yuxarı bal toplayıb. M.Abbaszadə abituriyentləri yüksək nəticələr göstərən bölgələrin də müəyyənləşdiyini qeyd edib. Onun sözlərinə bunlar əsasən respublikanın 72 bölgəsini təmsil edir. “Bakı, Sumqayıt, Naxçıvan şəhərləri, o cümlədən Qax, Ordubad, Qəbələ, İsmayıllı rayonlarından ali məktəblərə imtahan verən abituriyentlərin bal göstəriciləri yüksək olub. Bu bölgələrdən ali təhsil müəssislərinə sənəd verən hər 100 nəfər gəncin 6-9-u imtahanlarda 500-dən yuxarı bal toplayır. Bu göstəricidə rayonlar üzrə Qax liderlik edir. Qax abituriyentlərinin topladığı bal orta hesabla 255-dən yuxarıdır. İmtahanlarda ən aşağı balı İmişli, Ağsu, Hacıqabul rayonlarının abituriyentləri
More>>> Devamı>>>