Bakıda ensiklopedik alim Məhəmməd Nəsirəddin Tusinin 810 illiyinə həsr olunmuş beynəlxalq konfrans keçirilir

Bakı, 16 iyun (AzərTAc). İyunun 16-da Azərbaycan Milli Elmlər Akademiyasının (AMEA) Rəyasət Heyətində ensiklopedik alim - filosof, astronom, riyaziyyatçı, tarixçi, maliyyəçi və hüquqşünas Məhəmməd Nəsirəddin Tusinin 810 illiyinə həsr olunmuş beynəlxalq konfrans işə başlamışdır. 
AzərTAc xəbər verir ki, Rabitə və İnformasiya Texnologiyaları Nazirliyinin dəstəyi, AMEA Riyaziyyat və Mexanika İnstitutu, N.Tusi adına Şamaxı Astrofizika Rəsədxanası, Azərbaycan Dövlət Pedaqoji Universiteti, Azərbaycan və Qafqaz Universitetlərinin birgə təşkilatçılığı ilə keçirilən tədbirdə AMEA-nın prezidenti, akademik Mahmud Kərimov Şərqin böyük mütəfəkkiri və alimi Məhəmməd Nəsirəddin Tusinin irsindən, onun müxtəlif elm sahələrinin inkişafına verdiyi töhfələrdən, əsərlərinin akademiyanın əməkdaşları tərəfindən mütəmadi araşdırılmasından danışmışdır. 
AMEA-nın Fizika-Riyaziyyat və Texnika Elmləri Bölməsinin akademik-katibi, akademik Akif Hacıyev “Nəsirəddin Tusi və onun dövrü” mövzusunda məruzəsində dahi alimin həyat və fəaliyyətindən ətraflı söz açmışdır. 
Bildirilmişdir ki, Nəsirəddin Tusi 1201-ci ildə Tus şəhərində anadan olmuşdur. İlk təhsilini atasından alan böyük alim, sonra Həmədan və Tus şəhərlərində dövrünün tanınmış alimlərinin - İbn Sina və Bəhmənyarın davamçılarının yanında hərtərəfli və dərin biliklərə yiyələnmişdir. 
Qısa vaxtda elmi mühitdə məşhurlaşan Nəsirəddin Tusi dövrünün bir çox alimləri kimi, elmin müxtəlif sahələrini dərindən mənimsəmişdir. Onun qələmindən çıxan yüzdən artıq əsər elmin astronomiya, riyaziyyat, fizika, tibb, fəlsəfə, etika, məntiq və digər sahələrinə həsr olunmuşdur. Tusinin yaradıcılığında astronomiya və riyaziyyat üzrə tədqiqatlar xüsusi yer tutur. O, bu sahələrdə aparılmış iyirmidən artıq araşdırmanın müəllifidir. 
Riyaziyyatçı alimin ən məşhur əsərləri arasında "Bütöv çoxtərəfli haqda risalə”, "Lövhə və tozun köməyi ilə hesab toplusu", "Dairənin ölçüsü", "Evklid "Başlanğıc"ının təsviri" kimi kitablar diqqəti cəlb edir. Dörd hissədən ibarət "İlxanilərin astronomik cədvəlləri" əsəri isə alimin adını dünya astronomiya tarixinə salmışdır. 
Nəsirəddin Tusi sonralar ona dünya şöhrəti gətirən və bir çox dillərə tərcümə olunan, Şərq dünyasında etikaya dair "Əxlaqi-Nasiri" adlı məşhur əsərin müəllifi və öz həcminə görə Şərqin bütün məşhur rəsədxanalarını geridə qoyan, tətbiqi astronomiyanın inkişafında müstəsna rolu olan Marağa rəsədxanasının banisi kimi xüsusi rəğbət qazanmışdır. Onun əsərlərinə Bakı, Paris, Berlin, Vyana, Oksford, Kembric, Leypsiq, Münxen, Florensiya, Qahirə, İstanbul, Moskva, Sankt-Peterburq, Kazan şəhərlərinin muzey və kitabxanalarında rast gəlmək mümkündür. 
Azərbaycan alimləri ilə yanaşı, Türkiyə, Rusiya, Fransa, Almaniya, ABŞ, İngiltərə, İsveçrə, Çin və digər ölkələrin nümayəndələrinin iştirak etdiyi tədbirdə “Dahi riyaziyyatçı”, “Tusinin dövründə kometlərin müşahidəsi haqqında”, “Nəsirəddin Tusi və onun riyazi, astronomik irsi”, “Nəsirəddin Tusinin elmi ədəbiyyata təsiri” və s. mövzularda məruzələri dinlənilmişdir. 
Tədbir çərçivəsində Nəsirəddin Tusinin İran İslam Respublikasında çap olunan əsərlərinin sərgisi keçirilmişdir. 
Konfrans iyunun 17-də işini davam etdirəcəkdir.
http://www.azertag.gov.az/index_az.jsp?id=10731&date=2011-06-16

Bu blogdaki popüler yayınlar

Azerbaijan - GOV - Azerbaijan to Host an International ICT Conference

The 3rd International Conference on Application of Information and Communication Technologies (AICT2009) will be held in Baku on the October 14-16, 2009. The conference invites high-quality recent research results in the areas of Information and Communication ICT in Emergency services and disaster recovery, ICT in Education and businesses, ICT in Research, ICT in security, ICT in Health care services and bio-informatics, Home and Health networking, ICT in governments, Electronic commerce, Mobility and Mobile Payments, Broadband access, satellite services, rural communications, Mobile and Wireless Communications, optical communications and networking, architectures, protocols, planning and design, ICT in management and modeling, analysis, simulation and performance evaluation and test results. The main goal of the conference is to bring together scientists and engineers who work and teach in these specialized fields to submit recent papers and come together in this geographi
More>>> Devamı>>>

Özəl və dövlət ali təhsil məktəbləri arasındakı fərq

Resim
Mətn ölçüsü:   Son dövrlər Azərbaycanda özəl universitetləri çıxmaq şərtilə, dövlət ali məktəblərində demək olar ki, rəqabət olmadığından bir çox tələbə işəgötürənlər tərəfindən qəbul edilmir. Nəticədə min bir əziyyətə qatlaşaraq dövlət universitetini bitirib diplom alan tələbə iş tapa bilmir. O da faktdır ki, bir çoxları nəyin bahasına olursa-olsun saxta diploma belə əl ataraq işə qəbul edilir və nəticədə yenə təhsilin tədrisi təhlükə altına düşür. Pullu təhsildən bu sahədə biznes quranların daha çox qazanmasına keç kəs irad tuta bilməz. Amma pullu təhsilin cibi boş olan savadlı və istedadlı gənclərin yolunu bağladığı da gerçəklikdir. Yaxşı, görəsən hazırda gənclərin təhsilə marağı hansı səviyyədədir və ümumiyyətlə nə üçün Azərbaycanda özəl təhsil, dövlət hesabına təhsili sıxışdırır? Bu hal Azərbaycanla müqayisədə xarici ölkələrdə necədir? Əməkdaşımız Aynurə Sultan ali təhsilin hazırkı vəziyəti ilə bağlı bu və digər suallara cavab tapmağa çalışıb.
More>>> Devamı>>>

Ən yüksək keçid balı Qafqaz Universitetinin birinci qrupuna daxil olan kompüter mühəndisliyi ixtisasındadır

Resim
Tələbə Qəbulu üzrə Dövlət Komissiyası (TQDK) 2011-2012-ci tədris ili üçün tələbə qəbulu ilə bağlı elmi-statistik təhlilin nəticələrini açıqlayıb. TQDK sədri Məleykə Abbaszadə bildirib ki, bu il ali təhsil müəssisələrinə qəbul imtahanlarında 5433 abtituriyent 500-dən, o cümlədən 1540 abitruiyent 600-dən yuxarı bal toplayıb. M.Abbaszadə abituriyentləri yüksək nəticələr göstərən bölgələrin də müəyyənləşdiyini qeyd edib. Onun sözlərinə bunlar əsasən respublikanın 72 bölgəsini təmsil edir. “Bakı, Sumqayıt, Naxçıvan şəhərləri, o cümlədən Qax, Ordubad, Qəbələ, İsmayıllı rayonlarından ali məktəblərə imtahan verən abituriyentlərin bal göstəriciləri yüksək olub. Bu bölgələrdən ali təhsil müəssislərinə sənəd verən hər 100 nəfər gəncin 6-9-u imtahanlarda 500-dən yuxarı bal toplayır. Bu göstəricidə rayonlar üzrə Qax liderlik edir. Qax abituriyentlərinin topladığı bal orta hesabla 255-dən yuxarıdır. İmtahanlarda ən aşağı balı İmişli, Ağsu, Hacıqabul rayonlarının abituriyentləri
More>>> Devamı>>>