Dariya İsaçenku: “Ağdamda gördüklerim barede Almaniya ictimaiyyetine geniş melumat vereceyem”

Beynelxalq konfransın işinde eslen Qafqaz ve Orta Asiya regionundan olan ve Almaniya Universitetlerinden (DAAD) mezun olmuş genc mütexessisler iştirak edibler.
Bakıda Qafqaz Universiteti, Almaniyanın Bonn Universiteti ve Azerbaycan Genclerinin Avroatlantika Teşkilatı terefinden heyata keçirilen “Etnik-erazi münaqişelerinin çözülmesi ve transformasiya yolları: regionda etibarlı sülhün yaradılması perspektivleri” adlı beynelxalq konfrans bu gün öz işini yekunlaşdırır. Qeyd edek ki, Qafqaz Universitetinin ev sahibliyi ile keçirilen beynelxalq konfrans öz işine mart ayının 26-dan başlayıb.

Qafqaz Universitetinin metbuat xidmetinin rehberi Receb Rzayevin qezetimize verdiyi melumata göre, altı gün davam eden beynelxalq konfransın işinde eslen Qafqaz ve Orta Asiya regionundan olan ve Almaniya Universitetlerinden (DAAD) mezun olmuş genc mütexessisler iştirak edibler: “İlk defe paytaxtımızda bir araya gelen DAAD mezunları Qafqaz ve Orta Asiya regionundakı mövcud problemleri müzakire etdiler. Konfrans iştirakçıları hemçinin münaqişelerin sülh yolu ile helli, transformasiya ve medeniyyetlerarası dialoq vasitesile region xalqları arasında etibarın, inamın yaradılması kimi meseleleri de müzakire etdiler”.

Beynelxalq konfransda iştirak etmek üçün ölkemize gelen genc mütexessisler keçirilen müzakireler ve Dağlıq Qarabağ münaqişesi barede fikirlerini, hemçinin ölkemizle bağlı teessüratlarını bizimle bölüşdüler. Gürcüstandan gelen genc mütexessis Arkadi Veltaurun sözlerine göre, erazi bütövlüyünün pozulması baxımından Gürcüstan ve Azerbaycanın oxşar problemleri var. O her iki ölkede seperatçı rejimlerin mövcud olduğunu, bu rejimleri müdafie eden ve onlara destek verenlerin de eyni qüvveler olduğunu bildirdi. Mövcud münaqişelerin edaletli şekilde, beynelxalq hüquq normaları çerçivesinde hell edilmeli olduğunu deyen müsahibimiz, ilk növbede, torpaqlarından didergin düşen qaçqınların öz yerlerine qaytarılmalı olduğunu bildirdi. Onun sözlerine göre, meselenin müsbet helli üçün beynelxalq ictimaiyyetin desteyine daha çox ehtiyac var: “Buna göre de heqiqetlerin dünya ictimaiyyetine çatdırılması istiqametinde gösterilen fealiyyetleri artırmaq lazımdır”.

Eslen Qırğızıstandan olan ve hazırda Almaniyada yaşayan Dariya İsaçenku ise bizimle söhbetde bildirdi ki, Azerbaycana sefere gelmezden evvel onun Dağlıq Qarabağ problemi ile bağlı kifayet qeder melumatı olmayıb. O, öten ilin avqust ayında Gürcüstanda baş veren müharibeden sonra Qafqaz regionundakı mövcud münaqişelere diqqetin artdığını bildirerek, qeyd etdi ki, bu hadiselerden evvel Avropada Qafqazla bağlı aparılan araşdırmalar daha çox bu regionun enerji resursları ile bağlı olub. Dariya İsaçenku Ağdam rayonuna etdiyi seferden ve orada gördüklerinden behs ederek bildirdi ki, eve qayıtdıqdan sonra ağır şeraitde yaşayan qaçqınların veziyyeti barede Almaniya ictimaiyyetine geniş melumat verecek.

Özbekistandan gelen Firdavs Kutliyev de Dağlıq Qarabağ münaqişesi barede onda kifayet qeder melumatın olmadığını ve bu seferden sonra geniş araşdırma aparacağını bildirdi. Beynelxalq konfransın teşkilatçılarından olan Azerbaycan Genclerinin Avroatlantika Teşkilatının rehberi Ziya Qazıyev, konfransın yüksek seviyyede keçdiyini ve tedbir iştirakçılarına Azerbaycan heqiqetleri barede kifayet qeder geniş melumat verildiyini bildirdi. Onun sözlerine göre, dünyanın müxtelif ölkelerinden gelen genc mütexessisler öz ölkelerine qayıtdıqdan sonra ölkemizin üzleşdiyi Dağlıq Qarabağ problemi ile bağlı melumatları orada yaşayan insanlara da çatdıracaqlar. Beynelxalq konfransın işini uğurlu hesab eden Z. Qazıyev bu cür tedbirlerin bundan sonra da davam etdirileceyini bildirdi.
www.zaman.az