Abituriyent və valideynləri məlumatlandırmaq üçün Abituriyent Məlumat Mərkəzi yaradılıb
Qafqaz Universitetində (QU) Abituriyent Məlumat Mərkəzi (AMM) yaradılıb. Universitetdən bildirilib ki, AMM abituriyent və valideynlərin Qafqaz Universiteti barədə məlumatlandırılmasına xidmət edir:
“Məlumat Mərkəzinə qoşulmaqla universitetlə bağlı müxtəlif mövzularda məlumatlar əldə etmək mümkündür. Bu məlumatlara Qafqaz Universiteti haqqında ümumi məlumat, nailiyyətlər, xarici əlaqələr, tədris sistemi, maddi-texniki baza və laboratoriyalar, fakültə və bölmələr, ixtisaslar, keçid balları, təhsil haqqı və güzəştlər daxildir”.
