Elmira Süleymanova Qafqaz Universitetin qonağı olub.
İnsan hüquqları üzrə müvəkkil Elmira Süleymanova Qafqaz Universitetinin professor-müəllim heyəti və tələbələrinin qonağı olub.
Ombudsman Aparatının mətbuat xidmətindən Lent.az-a verilən məlumata görə, görüşdə Elmira Süleymanova görüş iştirakçılarının uşaq hüquqları, o cümlədən kimsəsiz və valideyn himayəsindən məhrum olan, baxımsız uşaqların problemləri, İnternet məktəbləri və uhaq evlərindən ailələrə verilmiş uşaqların sonrakı vəziyyəti, erkən nigahlar, qız qaçırılması və başqa mövzuda sualları cavablandırıb.
Ombudsman təsisatında uşaq hüquqları mövzusunda hazırlanmış nəşrlər və plakatlar universitetə bağışlanıb. Tədbirin sonunda Qafqaz Universitetinin rektoru Ahmet Saniç Elmira Süleymanovaya xatirə hədiyyəsi təqdim edib.
