26 Aralık 2014 Cuma

SOCAR I Respublika Əqli Mülkiyyət və İnnovasiya sərgisində iştirak etmişdir

Azərbaycan Milli Elmlər Akademiyasının Mərkəzi Elmi Kitabxanası-İnformasiya Resursları Mərkəzində I Respublika Əqli Mülkiyyət və İnnovasiya sərgisi keçirilmişdir. Sərgi Azərbaycan Respublikasının Prezidenti İlham Əliyevin Sərəncamı ilə təsdiq edilmiş “Azərbaycan Respublikasında 2014-cü ilin “Sənaye ili” elan edilməsi ilə bağlı Tədbirlər Planı”na uyğun təşkil edilmişdir. Sərgidə AMEA-nın institutları ilə yanaşı, SOCAR, ''Azərenerji'' ASC, Müdafiə Sənayesi Nazirliyi, Fövqəladə Hallar Nazirliyi, “ASAN xidmət” İnnovasiyalar Mərkəzi, Milli Aviasiya Akademiyası, Azərbaycan Texniki Universiteti, Bakı Dövlət Universiteti, Qafqaz Universiteti və s. təşkilatların, özəl sektor təmsilçilərinin pavilyonları nümayiş etdirilmişdir. Azərbaycan Respublikası Dövlət Neft Şirkəti sərgidə ayrıca pavilyonla iştirak etmişdir. Son illər elmi-innovativ sahədə şirkətin əldə etdiyi nailiyyətlər barədə videoçarx göstərilmiş, müxtəlif fəaliyyət sahələri üzrə maket, albom, buklet və posterlər vasitəsilə məlumatlar nümayiş etdirilmiş və qonaqları maraqlandıran suallar cavablandırılmışdır.