Nərminə xanımın növbəti böyük qələbəsi...

Son günlərdə yalnız Tərcümə bölümü deyil, həm də bütün Qafqaz Universiteti  ailəsinin fəxr və sevinc hissinə səbəb olan daha bir xoş hadisə baş verib. Azərbaycan Respublikası Prezidenti cənab Ilham Əliyevin sərəncamı ilə Qafqaz Universiteti Tərcümə bölümü rəhbəri, dosent Nərminə xanım Əliyeva 2013-2014 ili üçün "İlin ən yaxşı müəllimi" nominasiyasına layiq görülüb. Artıq ikinci dəfə bu ada layiq görülən Nərminə xanım ilk dəfə seçildiyi 2009-cu ildən etibarən öz üzərində daha böyük məsuliyyət hiss edərək daha çox çalışdığını qeyd etmişdir. O vurğulamışdır ki, bu ada layiq görülmək məqsədi vətənə xidmət, vətən övladlarının yüksək səviyyəli təhsil əldə etməsi, həmçinin öz elmi fəaliyyət və müəllimlik peşəsinin inkişafı olan hər bir müəllimin arzusudur. Bu cür mükafatlandırılmaq öz əməyinin qarşılığını görmək cəhətdən əvəzolunmazdır. Nərminə xanım həmçinin Qafqaz Universitetinin bu sahədəki böyük rolunu vurğulayaraq, "Qafqaz Universiteti təkcə tələbələri yox, həm də müəllimləri yetişdirir" demişdir. Nərminə xanımı yeni uğuru münasibətilə bölümümüz adından təbrik edir və onu daim zirvələrdə görməyi arzulayırıq. 
Əsmər 

Vugar Mamedov

Instagram