O, bizim Salman dayı idi
Ölümü de heyatı kimi gözel oldu. Seher xoş ovqatla yuxudan ayıldı, heyat yoldaşına dedi ki, bir yaxşıca hamamlanım, üz-gözümü qırxım, Allah-Tealanın hüzuruna ter-temiz çıxım.Ölümü de heyatı kimi gözel oldu. Seher xoş ovqatla yuxudan ayıldı, heyat yoldaşına dedi ki, bir yaxşıca hamamlanım, üz-gözümü qırxım, Allah-Tealanın hüzuruna tertemiz çıxım. İlk baxışdan zarafat kimi qebul olunsa da, ele onun dediyi kimi oldu. Yaxşıca hamamlandı, üzünü qırxdı, geyinib-keçinib otağa keçdi, heyat yoldaşına dedi ki, menden dostların hamısına salam söyleyersen. Sonra da öz elindeymiş kimi uzanıb rahatca canını tapşırdı.
Beli, bu bir Salman dayı nağılının “göyden üç alma düşdü”süydü. Salman Hacı oğlu Salmanov 1939-cu ilde Ağcabedi rayonunda anadan olmuşdu. Yetimçilikle böyümüşdü, min cür sıxıntı görmüşdü. Sonradan Bakıya köçmüşdü. 90-cı illerin evvellerinde Azerbaycandakı o sıxıntılı dövrde her kes ailesinin dolanışığını bir cür temin elemeye çalışırdı, Salman dayı da “taksovatlıq” elemeye başlamışdı. Tale onu “Çağ” Öyretim Şirketinin burada açılması üçün çalışan türkiyeli müellimlerle rastlaşdırdı. İlk baxışdan Salman dayını çox beyendiler ve öz yanlarına işe devet elediler. Salman dayı da dedi ki, hellem-qellem işiniz olmasa, canla-başla sizinle işleyerem. Belece, bu şertli emekdaşlıq günbegün, aybaay insanları bir-birine doğmalaşdırdı, sevdirdi. Salman dayı onları övlad gözünde gördü, onlar da Salman dayıya bir ağsaqqal kimi bağlandılar. Salman dayı “Çağ”da tekce müdirleri gezdirmedi, bu şirketin her yükünü daşıdı: hem maşınında, hem üreyinde. Şirketde sürücü olsa da, her ağrıya, her qayğıya el uzatmağa çalışdı. Hamının ağrısına-acısına ortaq oldu, teselli oldu, ümid verdi. Dişi ağrıyan da onun yanına qaçdı, başı ağrıyan da. Könlü zengin idi, duyğuları gözel idi, dilinden şükrü, çöhresinden tebessümü eskik olmazdı. Ele bil xeyirxahlıq üçün, elden tutmaq üçün bu dünyaya gelmişdi. Heqiqeten de, bezen ele adamlar görürsen ki, her defe onunla rastlaşanda könlüne xoş duyğular gelir, onlar sene dünyanın faniliyini, ilahi nemetleri xatırladırlar. Salman dayı da bele adam idi. Her kesin heyatında bir xeyirxahlıq, tevazökarlıq remzi olur ve canın ağrıyanda isteyirsen ki, o, yanında olsun. Salman dayı “Çağ” Öyretim İşletmeleri Şirketinde neçe-neçe insan üçün bele xeyirxah ünvan, arzulanan şexs idi. O, bizim Salman dayımız, bizim xeyirxahımız idi.
“Çağ” Öyretim Şirketine daxil olan liseylerin müellimlerinin, demek olar ki, hamısı Salman dayını tanıyır ve sevirdiler. Bu şirketde heç adını soruşmadan bele ağsaqqal deyende hamı söhbetin Salman dayıdan getdiyini bilirdi. 70 yaşının astanasında Salman dayı bizlerden ayrılıb Haqq dünyasına köçdü. Müselmanın başqa müselmana vereceyi en deyerli şey semimi dualarıdır. Biz de ağsaqqalımıza Allahdan rehmet dileyirik, ailesine başsağlığı veririk. Yerin cennet olsun, Salman dayı.
Osman Uçak, Eli Çerkezoğlu
