Qafqaz Universitetinin rektoru AMEA-nın Şərqşünaslıq İnstitutunu ziyarət edib.
Noyabrın 1-də Qafqaz Universitetinin
rektoru professor Ahmet Saniç və Universitetin pedaqoji fakultəsinin
dekanı dossent doktor Erdal Karaman Azərbaycan Milli Elmlər
Akademiyası Şərqşünaslıq İnstitutunu ziyarət etdilər.
Qonaqları
qarşılayan institutun direktoru Azərbaycan Respublikası Milli Məclisinin
üzvü, millət vəkili professor Gövhər Baxşəliyeva Qafqaz Universitetinin
rəhbərliyini institutda görməkdən məmnunluq duyduqlarını söylədi.
Direktor Qafqaz Universitetinin günbəgün artan nüfuzundan bəhs etdi.
Görüş zamanı Qafqaz Universitetinin rektoru Ahmet Saniç universitetdə
keçirilən müxtəlif tədbirlərdən söz açdı.
Sonra rektor Azərbaycanda və
eləcə də dünyada fəaliyyət göstərən ali təhsil müəssisələri ilə birgə
əməkdaşlıqlarından danışdı. Rektor daha sonra vurğuladı ki, Qafqaz
Universiteti qədim keçmişi olan bu elm ocağı ilə bir neçə ildir
əməkdaşlıq edir. Bu əməkdaşlıqların bariz nümunəsi birgə müəllim
mübadiləsi, seminarlar və s. Sonra gələcəkdə nəzərdə tutulan beynəlxaq
konfrans keçirilməsi barədə birgə qərara gəldilər .
İlk olaraq noyabr
ayının 21-də Nizami Gəncəvinin 870 –illik yubileyinə həsr olunmuş
beynəlxalq konfransın keçirilməsi və 2012-ci ilin may ayında “Türk
dünyasını aydınlatanlar Mehmet Akifdən Hüseyn Cavidə” adlı beynəlxalq
konfransların keçirilmısinə qərar verilib.
Qafqaz Universitetinin Mətbuat Xidməti.