"Nizami Gəncəvi və Şərq ədəbiyyatları" adlı beynəlxalq konfrans keçiriləcək
01 November, 2012, Azərbaycan Milli Elmlər Akademiyasının Şərqşünaslıq İnstitutu Qafqaz Universiteti ilə birgə noyabrın 21-də "Nizami Gəncəvi və Şərq ədəbiyyatları" adlı beynəlxalq konfrans keçirəcək.
İnstitutdan cümə axşamı Trend-ə verilən məlumata görə, bu gün Qafqaz
Universitetinin rektoru, professor Ahmet Sanıc və həmin universitetin
Pedaqogika fakültəsinin dekanı, dosent Erdal Karaman Şərqşünaslıq
İnstitutunun direktoru, millət vəkili, professor Gövhər Baxşəliyeva ilə
görüşüblər.
Görüşdə bu iki elm və təhsil müəssisəsi arasında əlaqələrin
genişlənməsi perspektivləri müzakirə olunub və birgə elmi tədbirlərin
keçirilməsi ilə bağlı ilk konkret addımlar atılıb.
Əldə edilən razılığa əsasən, tərəflər gələn ilin aprel-may aylarında
"Mehmet Akifdən Hüseyn Cavidə türk ziyalıları" mövzusunda beynəlxalq
konfrans da təşkil edəcəklər.
http://az.trend.az/news/mvsb/2082988.html