Türkiyəni necə gördüm
Mayın 30-da İstanbulda başlayan və
iyunun 14-dək müxtəlif şəhərlərdə davam edəcək sayca 10-cu Beynəlxalq
Türk Dili Olimpiadasında Azərbaycan uğurla təmsil olunur.
10-cu Beynəlxalq Türk Dili Olimpiadasına
dünyanın 135 ölkəsindən 1500 məktəbli qatılmışdır. Əsas məqsədi türk
dilini tanıtmaq və sevdirmək, dünyanın müxtəlif ölkələrinin
mədəniyyətləri, adət-ənənələri, təhsili və milli dəyərləri ilə tanış
olmaq, onları bir araya gətirmək olan yarışmada şagirdlər inşa,
qrammatika, nitq, xalq rəqsləri, şeir, rəsm, tamaşa, musiqi, dünyagörüşü
daxil olmaqla 14 kateqoriyada çıxış etmişlər. Azərbaycanı bu
olimpiadada təmsil edən 65 məktəbli də xüsusi fəallığı ilə seçilir.
Olimpiada çərçivəsində İstanbul Sərgi
Mərkəzində yaradılmış pavilyonlarda iştirakçı ölkələrin
mədəniyyətlərini, tarixi abidələrini, turizm obyektlərini, milli
mətbəxini əks etdirən eksponatlar nümayiş olunmuşdur.
İstanbul Sərgi Mərkəzində Türkiyədən
sonra ən böyük pavilyonla Azərbaycan təmsil olunmuşdur. Eksponatlarının
zənginliyi ilə fərqlənən Azərbaycan pavilyonunda nümayiş olunan
ölkəmizin tarixi abidələri olan Qız qalasının, Mömünə Xatun türbəsinin,
Nizaminin məqbərəsinin, Şirvanşahlar sarayının, İçərişəhərin, Şəki Xan
Sarayının maketləri, eləcə də xalqımızın mədəniyyətini, adət-ənənələrini
əks etdirən müxtəlif məişət əşyaları, musiqi alətləri, milli geyim
nümunələri tamaşaçılar tərəfindən böyük maraqla qarşılanmışdır.
Azərbaycan pavilyonu ilə tanış olanlara milli şirniyyatımız, üçrəngli
bayrağımız, ölkəmiz haqqında məlumatları əks etdirən bukletlər və
disklər paylanmışdır.
Əsas təşkilatçısı Türkcə Öyrətim Mərkəzi
olan olimpiadanın keçirilməsinə “Çağ” Öyrətim İşlətmələri Şirkətinin
ayrı-ayrı ölkələrdəki nümayəndələri fəal dəstək göstərirlər. Ölkəmizdən
beynəlxalq müsabiqədə iştirak edən məktəblilərin seçimi Təhsil
Nazirliyinin dəstəyi ilə “Çağ” Öyrətim İşlətmələri Şirkəti tərəfindən
aparılmışdır. Seçim üçün Azərbaycan-Türkiyə özəl liseylərinin və digər
məktəblərin şagirdləri arasında üç mərhələdə müsabiqə keçirilmişdir.
Olimpiadada həmin müsabiqənin qalibləri, habelə bu ilin fevralında
keçirilən “Ana dilini sevək, sevdirək” yarışmasında fərqlənənlər iştirak
etmişlər.
10-cu Beynəlxalq Türk Dili
Olimpiadasının dördüncü günü İstanbul Sərgi Mərkəzində Azərbaycana həsr
olunan konsert proqramı keçirilmişdir. Minlərlə tamaşaçının qatıldığı
tədbirdə məktəblilərimizin ifa etdiyi Azərbaycan və Türkiyə milli
folkloruna aid xalq mahnıları, rəqslər, şeirlər tamaşaçıların böyük
marağına səbəb olmuşdur.
“Çağ” Öyrətim İşlətmələri Şirkəti idarə
heyətinin sədri Ənvər Özərən 10-cu Beynəlxalq Türk Dili Olimpiadasının
keçirilməsinin təkcə türk dilinin təbliğinə deyil, eyni zamanda, bütün
insanlar arasında sevginin, dostluğun artırılmasına, xalqların
bir-birini daha yaxından tanımasına xidmət etdiyini vurğulamışdır.
Tədbirdə Azərbaycan böyük bir nümayəndə
heyəti ilə təmsil olunmuşdur. Olimpiadanı izləmək üçün ölkəmizdən Milli
Məclisin deputatları, iş adamları, tanınmış incəsənət xadimləri, “Çağ”
Öyrətim İşlətmələri Şirkəti və Qafqaz Universiteti tərəfindən dəvət
olunmuş çoxlu sayda mətbuat nümayəndələri iştirak etmişlər.
Azərbaycanlı uşaqlar Türkiyənin digər
şəhərlərində keçirilən yarışma və şənliklərdə də fəal iştirak edirlər.
Olimpiada çərçivəsində müxtəlif nominasiyalar üzrə keçirilən
müsabiqələrin qalibləri iyunun 9-da mükafatlandırılacaqlar. İyunun 14-də
isə rəsmi bağlanış mərasimi ilə 10-cu Beynəlxalq Türk Dili Olimpiadası
başa çatacaqdır.
Qeyd edim ki, “Çağ” Öyrətim İşlətmələri
Şirkəti və Qafqaz Universitetinin olimpiadaya dəvət edilən jurnalistlər
arasında mən də var idim. İyunun biri olimpiadada “Azərbaycan günü”ndə
iştirak etdikdən sonra qrup rəhbərimiz Qafqaz Universitetinin mətbuat
xidmətinin rəhbəri Rəcəb Rzayev, qurumun nümayəndəsi Oğuz Rəhimov bizi
Türkiyənin bəzi muzeyləri ilə tanış etdilər. İlk öncə getdiyimiz muzey
Topqapı muzeyi oldu. Daha sonra İstanbulun fəthi, Panorama muzeyi və
daha nələr.
Düzünü desəm, gəzintimiz çox maraqlı keçdi. Bütün yorğunluqlara ramən İstanbulu gəzmək zövq verirdi.
İlk gün...
Atatürk hava limanında düşərkən insan
bir qədər qəribsədiyini hiss edir. Sanki tənhasan, kimsən yoxdur. Bir
qədər yol yorğunluğu, bir qədər hər zaman tanımadığın insanlara
ünsiyyət, yad məkan...insanın canı sıxılır. Saatlar keçdikcə öyrənirsən
bu duruma. İlk günümüz İstanbul “Akvariuma ekskursiya ilə başladı.
Daha sonra Topqapı muzeyi.. Hər zaman “Muhteşem yuz yıl” filmindən
gördüyümüz Topqapı muzeyi əzəməti və möhtəşəmliyi ilə hər kəsin
diqqətini cəlb edirdi. Burada dünyanın hər yerindən müxtəlif turistlər
var idi. Muzey o qədər böyükdür ki, tamamilə gəzmək üçün saatlar kifayət
etmirdi. Hər gün minlərlə insanın ziyarət etdiyi Topqapı muzeyinə
giriş qiymətləri də az deyil 25 lirə. Turistlər çox olduğu üçün bu
ərazilərdə hər şeyin qiyməti bahadır. Ekskursiyanın gözəl keçməsində
çox böyük rolu Ayhan hocamız, hər birimizin “nazını” çəkirdi desək
yalan olmaz. Axşama yaxın gəzinti bitdi və biz otelə qayıtdıq.
Yorğunluq, gəzinti...sadəcə yatıb yuxunu almağa ehtiyac var idi. Çünki
bizi sabah böyük gün gözləyirdi.
2 iyun
Hə....Səhər açılır. Bizim gəlimişin əsl
səbəbi 10-cu Beynəlxalq Türk Dili Olimpiadasında iştirak edən
həmvətənlərimizə dəstək olmaqdı. Tədbirə hazırlaşırıq. İstanbul Sərgi
Mərkəzi insanla qaynayır. Bütün türk dünyasından eləcə də, dünyanın 135
ölkəsindən nümayəndələr var. Dili dilimizdən, dini dinimizdən ayrı
insanlar. Sərgi mərkəzində yuxarı başda ölkənin liderlərinin rəsimləri
vurulub. Azərbaycana geniş yer verilib bu sərgidə. İçərşəhər formasında
olan maket bütün turistlərin diqqətinin cəlb edir. Ölkəmizi tanıdan,
tarix və mədəniyyətimizlə bağlı kitablar, mətbəximizi əks etdirən
şirniyyatlar paylanır qonaqlara. Onu da deyim ki, hamı Azərbaycanla çox
maraqlanırdı.
Sərgidə hamıdan gözəl guşənin Azərbaycan güşəsi olduğunu desəm yanlmaram.
Saat 2-də gənclərimizin hazırladığı
konsert proqramı başlayır. “Azərbaycan”, “Çırpınırdı Qara dəniz”, “Əziz
dostum” mahnılarının sədaları altında insanın gözləri dolmaya bilmir.
Onu da deyim ki, mən Azərbaycanla ilk dəfə burada fəxr etdim. Bizim
gənclərimiz, bizim inanlarımız çox mükəmməldir.
Konsert bitdi. Ayhan hocamıza təklif
etdik ki, bizi bir qədər Taksimi gəzdirsin. Axı İstanbula gəlib,
Taksimdə olmamaq haqszlıqdır. Saq olsun Ayhan hocamız nə qədər yorğun
olsa da, qırmır bizi...İstanbulun gecələri çox maraqlı olur. Həyat
qaynayır. Dünyanın hər yerindən insan tapmaq olar Taksimdə. Gecə düşür,
yorğunluq var üzərimizdə amma Taksimdən ayrılmaq istəmirik. Amma geri
qayıtmaq lazımdır. Çünki səhər son gündür və bizim hələ çox işimiz
var...
Bu da Son...
İunun 3-ü hamı alış-verişə getmək
istəyir. Ayhan hocamızın isə bizə görə başqa proqramı var...Dəniz
gəzintisi, Panorama muzeyi. Necə olmasa da Ayhan hocamızın dediyinə
əməl edirik. İl öncə Panorama muzeyi ...Bura daxil olanda sanki
qeyri-adi vertual bir dünya açılır gözlərin önündə. Fateh Sultan Mehmet,
Türkiyənin fəthi, toplar, silahlar və bunları tamamlayan musiqi. Sanki
XII əsrdəsən. Bir qədər izlədikdən muzeydən çıxrıq. Ayhan hocamızı bizi
Dəniz turuna çıxarır. 1,5 gəzintidən sonra hamımız Eminönündəyik. Artıq
İstanbuldan ayrılmağımıza saatlar qalıb. Ayhan hocamız da yorulub.
Gözlərindən hiss olunur. Amma üzü gülür hər eyə ramən, hiss olunur ki,
bizi incitmək istəmir. Bizdə Ayhan hocanın mülayimliyindən çox istifadə
etdik. Gəzdik, dolandıq,alış-veriş etdik. Bəlkə də əsəbləşdirdik də onu,
amma biruzə etmədi. Dözdü bizə.
Saat 22.00 Atatürk hava limanındayıq.
Ayhan hocamız bizimlə vidalaşamağa da gəldi. Bütün prosedurları
keçdikdən sonra, Ayhan hocamız bizimlə vidalaşıb getdi. Bizi isə yorğun
bir yol gözləyirdi...
Artıq Bakıdayıq. O günlər
yaddaşlarımızda qaldı. Bütün dostlar adından Qafqaz Universitetinə, Çağ
Öğrətim Şirkətinə xüsusən də Ayhan hocaya minnətdarlığımızı bildiririk.
Var olun!!!
http://veteninfo.az/medeniyyet/4803.html