Təhsildə uğurlarımız bizi ruhlandırır
Siyəzən
Rayon İcra Hakimiyyətinin Başçısı Arif Qasımov “Dədə Qorqud” Özəl Türk
Liseyinin müdiri Turan Güneri və bir qrup müəllim heyətini qəbul edib.
Görüş zamanı Turan Güneri liseyin fəaliyyəti, şagirdlərinin Tələbə
Qəbulu üzrə Dövlət Komissiyasının ali məktəblərə qəbulla bağlı keçirdiyi
imtahanlarda yüksək bal toplayaraq Azərbaycanın və dünyanın bir çox
ölkələrində fəaliyyət göstərən ali məktəblərdə təhsillərini davam
etdirmələrindən, Respublika və Beynəlxalq Fənn, eləcə də Layihə
Olimpiadalarından medallar qazanmalarından, liseyin müasir təhsil
texnologiyaları ilə təchiz olunmasından söhbət açıb.
Təhsildə
qazandığımız uğurlar bizi daha da ruhlandırır deyib. İcra Başçısı Arif
Qasımov Siyəzən rayonunda təhsilə göstərilən diqqət və qayğıdan,
görülən yenidənqurma və abadlıq işləşrindən, rayon gənclərinin təhsillə
bərabər idman sahəsində də uğurlar qazanmasında danışıb.
Azərbaycanda
fəaliyyət göstərən “Çağ” Öyrətim İşlətmələrinin tədris müəssisələrinin
eləcə də “Dədə Qorqud” Özəl Türk Liseyinin təhsildə əldə etdikləri
nailiyyətlərdən məmnun olduğunu bildirib. Onlara yeni-yeni nailiyyətlər
arzulayıb. Görüşün sonunda liseyin müdiri Turan Güneri Siyəzən Rayon
İcra Hakimiyyətinin Başçısı Arif Qasımova xatirə hədiyyəsi təqdim edib.