Azərbaycan Beynəlxalq Türk dili Olimpiadasında - FOTO

Hər il keçirilən ənənəvi Beynəlxalq Türk dili Olimpiadası start götürüb. Bu il 10 illik yubileyini qeyd edən olimpiada iyunun 14-dək davam edəcək. Modern.az-ın məlumatına görə, Azərbaycan nümayəndə heyətinin də təmsil olunduğu olimpiadaya 140 ölkədən minlərlə iştirakçı qatılıb.
İştirakçılar türk dilində şeir söyləyib, rəqs edib və başqa kateqoriyalarda öz qabiliyyətlərini nümayiş etdirdilər. Olimpiadanın keçirilməsində məqsəd dünyanın müxtəlif ölkələrində türk dilinin gözəlliyini və əzəmətini nümayiş etdirmək, tanıtmaq və sevdirməkdir. Beynəlxalq olimpiadanı işıqlandırmaq üçün “Çağ” Öyrətim Şirkətinin və Qafqaz Unversitetinin təşkilatçılığı ilə bir qrup Azərbaycan media nümayəndəsi Türkiyəyə səfər edib. Onlar Türkiyədə keçirilən olimpiadanı izləyiblər. Türkiyəyə səfəri təşkil edilən Azərbaycan media təmsilçiləri üçün də mədəni tədbirlər proqramı təşkil olunub. İstanbul Sərgi Mərkəzində baş tutan sərgidə digər ölkələrlə müqayisədə Azərbaycan üçün xüsusi və daha geniş yer ayırılıb.

Sərgidə Azərbaycanın tarixi Şirvanşahlar Sarayı, Qız Qalası, ölkənin tarixi və mədəni abidələri əks olunub. Sərgidə jurnalistlərə açıqlama verən “Çağ” Öyrətim Şirkətinin rəhbəri Ənvər Özeren Azərbaycan və Türkiyə arasındakı əlaqələrdən, dövlət başçılarının dostluq münasibətlərinin inkişaf etdirməsi məqsədilə gördükləri işlərdən danışıb.

O bildirib ki, sərgi çərçivəsində Azərbyacana ən geniş yerin ayrılması iki qardaş ölkə arasında dostluq və qardaşlıqdan xəbər verir. Olimpiadanın üçüncü günü isə həmin sərgi mərkəzində Azərbaycan gününə həsr olunan tədbir təşkil olunub. Azərbaycandan gələn 400-ə yaxın nümayəndə heyəti də iştirak edən tədbirdə Azərbaycan incəsənət nümayəndələrinin iştirakı ilə konsert və qiraət proqramı keçirilib. “Azərbaycan şöləni” adlanan həmin mərasimdə Azərbaycanın və Türkiyənin dövlət bayraqları ilə bəzədilən salonunda yerli tamaşaçılar konserti “Azərbaycan-Türkiyə” şüarları ilə müşayət ediblər. Mərasimi qonaq qismində izləyənlər arasında Azərbaycanın xalq artistləri Həmidə Ömərova, Sənubər İsgəndərli, əməkdar artist Azərin, o cümlədən ölkəmizin İstanbuldakı diplomatik korpusunun və ictimai təşkilatların nümayəndələri də olub.

Daha sonra KİV nümayəndələri Bizans və Osmanlı imperiyalarının dövründən qalmış tarixi abidələr, həmçinin şəhərin diqqət çəkən məkanları ilə yaxından tanış olublar. Azərbaycandan olan media təmsilçilərinə bələdçilər tərəfindən abidələrin tarixi və əhəmiyyəti barədə ətraflı məlumatlar verilib. Qeyd edək ki, may ayının 30-dan başlayan olimpiada iyunun 14-dək davam edəcək.


Gültəkin ƏLƏSGƏR


Bu blogdaki popüler yayınlar

Azerbaijan - GOV - Azerbaijan to Host an International ICT Conference

The 3rd International Conference on Application of Information and Communication Technologies (AICT2009) will be held in Baku on the October 14-16, 2009. The conference invites high-quality recent research results in the areas of Information and Communication ICT in Emergency services and disaster recovery, ICT in Education and businesses, ICT in Research, ICT in security, ICT in Health care services and bio-informatics, Home and Health networking, ICT in governments, Electronic commerce, Mobility and Mobile Payments, Broadband access, satellite services, rural communications, Mobile and Wireless Communications, optical communications and networking, architectures, protocols, planning and design, ICT in management and modeling, analysis, simulation and performance evaluation and test results. The main goal of the conference is to bring together scientists and engineers who work and teach in these specialized fields to submit recent papers and come together in this geographi
More>>> Devamı>>>

Özəl və dövlət ali təhsil məktəbləri arasındakı fərq

Resim
Mətn ölçüsü:   Son dövrlər Azərbaycanda özəl universitetləri çıxmaq şərtilə, dövlət ali məktəblərində demək olar ki, rəqabət olmadığından bir çox tələbə işəgötürənlər tərəfindən qəbul edilmir. Nəticədə min bir əziyyətə qatlaşaraq dövlət universitetini bitirib diplom alan tələbə iş tapa bilmir. O da faktdır ki, bir çoxları nəyin bahasına olursa-olsun saxta diploma belə əl ataraq işə qəbul edilir və nəticədə yenə təhsilin tədrisi təhlükə altına düşür. Pullu təhsildən bu sahədə biznes quranların daha çox qazanmasına keç kəs irad tuta bilməz. Amma pullu təhsilin cibi boş olan savadlı və istedadlı gənclərin yolunu bağladığı da gerçəklikdir. Yaxşı, görəsən hazırda gənclərin təhsilə marağı hansı səviyyədədir və ümumiyyətlə nə üçün Azərbaycanda özəl təhsil, dövlət hesabına təhsili sıxışdırır? Bu hal Azərbaycanla müqayisədə xarici ölkələrdə necədir? Əməkdaşımız Aynurə Sultan ali təhsilin hazırkı vəziyəti ilə bağlı bu və digər suallara cavab tapmağa çalışıb.
More>>> Devamı>>>

Ən yüksək keçid balı Qafqaz Universitetinin birinci qrupuna daxil olan kompüter mühəndisliyi ixtisasındadır

Resim
Tələbə Qəbulu üzrə Dövlət Komissiyası (TQDK) 2011-2012-ci tədris ili üçün tələbə qəbulu ilə bağlı elmi-statistik təhlilin nəticələrini açıqlayıb. TQDK sədri Məleykə Abbaszadə bildirib ki, bu il ali təhsil müəssisələrinə qəbul imtahanlarında 5433 abtituriyent 500-dən, o cümlədən 1540 abitruiyent 600-dən yuxarı bal toplayıb. M.Abbaszadə abituriyentləri yüksək nəticələr göstərən bölgələrin də müəyyənləşdiyini qeyd edib. Onun sözlərinə bunlar əsasən respublikanın 72 bölgəsini təmsil edir. “Bakı, Sumqayıt, Naxçıvan şəhərləri, o cümlədən Qax, Ordubad, Qəbələ, İsmayıllı rayonlarından ali məktəblərə imtahan verən abituriyentlərin bal göstəriciləri yüksək olub. Bu bölgələrdən ali təhsil müəssislərinə sənəd verən hər 100 nəfər gəncin 6-9-u imtahanlarda 500-dən yuxarı bal toplayır. Bu göstəricidə rayonlar üzrə Qax liderlik edir. Qax abituriyentlərinin topladığı bal orta hesabla 255-dən yuxarıdır. İmtahanlarda ən aşağı balı İmişli, Ağsu, Hacıqabul rayonlarının abituriyentləri
More>>> Devamı>>>