Sonuncu kurs tələbələrinə “İş Dünyasına hazırlıq” seminarları keçirilir.
30 April, 2012,
Qafqaz Universiteti Karyera Planlama Mərkəzi
(KPM) tərəfindən universitetin sonuncu kurs tələbələrinə “İş Dünyasına
hazırlıq” seminarları keçirilir.
Yalnız Qafqaz Universiteti tələbələri üçün nəzərdə tutulan
seminarlarda əmək bazarının tələbləri, vakansiyalar haqqında məlumat, iş
üçün ilkin müraciət, CV hazırlama qaydaları, müsahibələrdə davranış
qaydaları, müsahibələrdə qarşılaşacağımız əsas suallar, işə başladıqdan
sonra davranış qaydaları, işlədiyin müəssisəyə və onun kollektivinə
qarşı hörmət, işdən ayrılma əxlaqı və s. kimi məsələlər müzakirəli
şəkildə təqdim edilir. 3 saat davam edən seminar mövzu ilə bağlı kiçik
həcmli videolar, lətifələr və yaşanmış hadisələrlə daha da maraqlı hala
gətirilir.
Xatırladaq ki, KPM-nin mütəxəssisləri tərəfindən təqdim edilən
seminarlar 30 may 2012-ci il tarixinə kimi davam edəcəkdir. Bu müddət
ərzində universitetin sonuncu kursda oxuyan bütün tələbələri “İş
Dünyasına hazırlıq” seminarlarında iştirak etməsinin təmin edilməsi
nəzərdə tutulmuşdur.
Dos. İsa Qasımov